2.4.03

vá hvað ég fíla nýju strætósíðuna....best að skreppí strætó...
er þetta ekki dæmigert....um leið og ég skipti um slóð þá fokkast eitthvað upp og síðan lódast ekki.... 2k? er þetta dísill eða????? kannski mar haldi sig bara við bloggerinn....ha....kannski bara...hmmmm....
já....ég ætla bara að færa mig yfir....líkar betur við þetta nýja kerfi...... http://beta.01.is
ég er í þessum þvílíku vandræðum þessa dagana... í fyrsta lagi er tölvan mín dauð. mig vantar hetju til að koma í heimsókn og setja upp adsl og tengja allt því ég er búin að reyna 18 sinnum. í öðru lagi er ég að pæla í að hætta með blogger og byrja með movable type....og þá er ég á beta.01.is. ég held að það sé sniðugt en mig langar svo að síðan mín lúkki svona... hjálp!

1.4.03

djöfull er ég að fíla svansson núna...
hmmm....er blogger núna alveg að koksa???
úff....ísar aðeins að tapa sér í pottinum...en mikið er ég ánægð með afsökunarleiðbeiningarnar hans svansson. gott skot á tilverumenn...neita að trúa að þetta sé einnig skot á mig því ég er miklu betri í að biðjast afsökunar. "ég geri mér grein fyrir.......tillitslaust.....aldrei aftur....sá ekki fyrir....." þetta eru allt orðadæmi sem eru nauðsynleg í góða afsökun. æ, nenni ekki að talum þetta meir...

30.3.03

já...meðan við borðuðum kvöldmatinn klökkan sjö í morgun tókum við annað símasessjón. ótrúlegt hvað okkur finnast símar skemmtilegir á morgnanna. við hringdum í illa valin nöfn úr símanum mínum og systirin átti að syngja ástaróð. svo bara svaraði enginn....ýkt skrýtið. og ég fæ sms í hádeginu í dag: "dettur þér í hug að ég sé vakandi klukkan 7 á morgnanna?" einn æðsla pirr.
það var bara alveg ofsalega gaman í gær, svei mér þá. áráttusjúklingurinn dró mig út að dansa og við fórum eins og alltaf á gullfoss og geysir. það var hressandi. ég hitti ungling sem var alveg skemmtilega líkur öðrum unglingi sem ég kynntist fyrir tveimur vikum...muniði...æðislega bjartur á brún og hýr á brá...allavega...þessi var alveg sjúklega líkur honum og þeir heita meira að segja sama nafni. mér fannst þetta svo æðislegt eitthvað að ég dró hann með mér út og ætlaði að reyna að koma honum inn á prikið. gekk ekki... eníhú...já, fólk var einkar huggulegt í gær. hitti bara fallegt og skemmtilegt fólk. kynntist valda á barnum. hann kynnti sig og sagði svo: "hefuru lagt af?" mér þótti agalega vænt um það en ég komst að því fyrir löngu að ég er ábyggilega miklu feitari í minninu. svo hitti ég helgu sem djammaði með mér í brussel...ýkt gaman. svo fékk ég "ég elska þig" sms frá einhverjum með leyninúmer. fannst það soldið fríkí og var að pæla í hvort það væri einhver við hliðiná mér að senda mér og gera grín að viðbrögðunum mínum. það væri tíbíst. áráttusjúklingurinn stakk snertifetishdansara af og hitti fullt af útlendingum á barnum á prikinu. hún fór að segja sögur fyrir viskí. hún fór aftur að segja að við værum æðislega frægar og gætum ekki verið neins staðar nema á prikinu út af áreiti. það er endalaust fyndinn brandari því útlendingum finnst frægðin miklu súrrealískari en íslendingum og verða æðislega undirgefnir og viljugir í að bjóða drykki. sögustundin gekk alveg með eindæmum vel og við enduðum í góðu stuði að elda kvöldmat í morgun eins og alltaf. það er alveg með eindæmum hvað matur er góður rétt fyrir dauðann. étum alltaf þangað til við drepumst. það er besssst.
vá...salvör er bara búin að passa upp á alla bloggbókmenntaumræðuna sem ég gleymdi að passa upp á í haust og er með heila síðu undir dótið...takk salvör :) ég man að ég klippti eitthvað af þessu út sem kom út í raunheimum en setti það í einhverjar bækur og týndi...ó vell...ekki eins og ég ætli að sýna barnabörnunum þetta....ef ég eignast þá barnabörn...eða börn...eða eiginmann.....eða kærasta......[andvarp] ég er farin að dansa...
vá hvað það voru vondir kynnar á framhaldsskólakeppninni.... ellý hressa með munúðarfullu röddina var ekki að gera sig og kallinn með henni var með nákvæmlega sömu "ready to ruuuummmmbleeeee" röddina fyrir hvern einasta skóla. sjitt hvað þetta var þreytandi. sem betur fer horfði ég á edward norton á stöð 2 og lögguþátt á skjá einum um leið, annars hefði ég ekki nenntessu. úff. einu sinni var tommi lemarkí (nói albínói) að kynna með vini sínum og þeir voru með skemmtiatriði og röppuðu á frönsku milli laga. það var gaman en skemmtun er kannski ofmetið fyrirbæri hjá rúv. ellý las hægt eins og hún væri að lesa fyrir mongólíta og gaurinn var með vonda brandara...hver ákveður svona?? en stelpan sem vann var æði. ég gat ekki einu sinni setið á mér og sendi sms fyrir 59 krónur. söng mjög flotta útgáfu af vísum vatnsendarósu sem að vísu hét "augun þín" í keppninni...í spilun meðða strax! tími á annan sverri bergmann.

29.3.03

lélegt að kippa út bréfinu af tilverunni sem ég er að svara hérna... ekki góð rökræðulist...
vaaaaaaá....tilveran svo sannarlega að taka sig til mar og birtir svar við blogginu mínu hér á undan í mörgum liðum. verður maður ekki að gera slíkt hið sama? þó ég nenni því eiginlega ekki...en here it goes: "Já það er stórmannlegt og sýnir mikið hugrekki að geta ekki talað um hlutina í "raunheimum" en bloggað um þá vilt og galið á netinu." -ég veit alveg að það er aumingjalegt að svara ekki símanum. ég gerði það einu sinni og sagði ísari að ég skyldi hafa samband við hann ef ég hefði hug á því að loka "lausum endum." hef ekki minnst einu orði á tilveruna né undirtóna á blogginu hingað til en gat svo ekki orða bundist eftir þriðja "ertu nokkuð ennþá í fýlu" kommentið. "Þér var ALDREI lofað greiðslu vegna Ron Jeremy frá okkur blablabla" -já, það var sérstaklega ruglingslegt allt saman. ísi borgar. nei ísar borgar. nei ísi borgar. á laugardeginum gerði ég mér loksins ljóst að ég væri ekki að fá neitt úr þessu nema fyndnar myndir og um leið og ron hætti að vera fyndinn hætti ég að nenna þessu. í desemberpirringnum mínum kvartaði ég út af þessu og fannst lélegt að "frægðin" væru launin þegar mjög margar af þessum myndum voru birtar á netinu og í blaðinu. fannst vera troðið á mér og ég var ekki sátt. en svo fékk ég nú heilar fjögur þúsund krónur fyrir þessar 2-300 myndir og bréf um að kannski væri ekki sniðugt að ég væri að vinna hjá undirtónum fyrst að mér liði svona. ég skildi það sem ég væri mjúklega rekin. "Þú notaðir þetta til þess að verða "frægur bloggari" sem gaf síðan út bók." -blablablalba...fræg fyrir að vera fræg....blablablab.....krapp. "Sú viðbót sem ég setti í viðtalið var í fullu samræmi við það sem þú hafðir skrifað í viðtalið" -ísar hefur aldrei átt við texta hjá mér án þess að láta mig vita. maður breytir ekki viðtölum án þess að láta blaðamann eða viðmælanda vita og í þessu tilfelli var það eina og sama manneskjan. viðtalið var góð hugmynd að mínu mati. betarokk og elísabet menntasnobb að verbal bitchslappast. svo endaði viðtalið á draumi um að verða eins og mikki torfa en ísar bætti við að beta ætli að buffa elísabetu. ekki gott samhengi. rökræður sem enda á vinskap. öllu kippt undan viðtalinu þar sem það endar allt í einu í einhverju buffi. "Er eitthvað skrítið að Rottweiler séu að dissa þig, af hverju heldur þú að þeir hafi verið að þvi. Og voru Undirtónar þeir einu sem hafa birt eitthvað um dissið ykkar á milli. Ég veit ekki betur en að allt hafi verið á reiðiskjálfi milli ykkar um tíma og ekki varst þú þessi viðkvæma Beta þá..." -undirtónar voru þeir einu sem birtu svona dónalegt krapp um mig. þetta var nákvæmlega sama saga og hafði komið í útvarpinu. of gróf fyrir útvarp og sigurjón kjartanson var með hana á rípít í viku. svo fór erpur með þetta í undirtóna og sánd. undirtónar birtu, sánd ritskoðuðu. skiptir máli af hverju þeir voru að dissa mig? það sem skiptir máli er að undirtónar birtu þetta án þess að detta sér í hug að ritskoða. eitt er að stelpa sem var vinkona mín tók viðtalið, strákur sem var vinur minn sagði þetta en svo birtu vinir mínir í vinnunni þetta. þetta var of mikið fyrir mig til að innbyrða og ég er og var aldrei að koma fram sem einhver helvítis píslarvottur og fórnarlamb. ég hætti að blogga og hélt kjafti meðan ég var að jafna mig og hef ekki bloggað neitt um þetta fyrr en núna...eiginlega tilneydd. "Ok, þá er að bara þannig, þú ætlar að skella skuldinni á blaðið sem birti viðtalið við Rottweiler og hvítþvo sjálfa þig af "Orsökum og Afleiðingum"..." -bíddu...á ég að skella skuldinni á einhvern annan? undirtónar áttu að taka fram fyrir hendur blaðakonunnar sem tók viðtalið. ég geri mér alveg grein fyrir að erpur var að borga fyrir eitthvað sem ég hafði gert honum og hann getur rasað út eins og sig lystir en ég vil ekki sjá það á prenti hjá blaði sem ég vinn hjá. með því að vilja ekki vinna fyrir undirtóna er ég ekki að hvítþvo mig. "Og ekki hefur þú sparað fúkyrðin í garð hundanna í gegnum tíðina." -nei, nú þarf ég bara að fá dæmi. áður en nýja platan þeirra kom út hafði ég bara haft gott af þeim að segja. kunningjar mínir og það er ekki stórt diss að segja að þetta og hitt giggið hafi ekki verið að gera sig. hvaða fúkyrði er verið að tala um? "Undirtónar hafa aldrei dissað þig vina mín." -hmm...um hvað snýst þetta bréf vinur minn? "Þú ættir líka að vita það að allt sem hefur birst á tilverunni hefur verið með þínu samþykki." -þetta er lygi. ég hef í örfá skipti verið spurð að því hvort mynd af mér megi fara en milljón myndir hafa verið birtar. ég vissi ekki einu sinni hver væri að sjá um tilveruna þegar "betarokk dagsins" byrjaði öllum til mikillar armæðu. "Það er fúlt að þú þurfir alltaf að koma þér í stöðu fórnarlambsins sem þarf að berjast við vondu karlana." -djöfulli finnst mér fúlt að fá svaka afsökunarbeiðni í pósti en svona truntusvör opinberlega. í bréfinu var eins og þeir sæju að sér og voru æðislega sorrí en svo er ég orðin fórnarlamb í slag þegar ég neita að skrifa fyrir þá. úff....nú er tími fyrir kommentakerfi....eða ekki...
aaaahahhhaah....systurnar á grundarstíg eru í velvakanda: "Hátt verðlag Vegna komandi kosninga langar mig til að lýsa yfir óánægju minni með hátt verðlag á Íslandi. Sem dæmi má nefna að ég fór í Ikea í vikunni og keypti nokkra hluti. Þegar ég kom að kassanum spurði kassastarfsmaður mig hvort ég vildi poka undir vörurnar. Ég spurði hvort það kostaði eitthvað aukalega og þá sagði hún fimmtán krónur! Ég sagði bara nei takk og hvet aðra til að gera hið sama. Betra er að koma bara með eigin taupoka þegar kaupa á í búðum. Svo langar mig til að þakka fyrir mjög góða þjónustu í sólbaðstofunni Sælunni á Rauðarárstíg. Þar hefur þjónustan batnað til muna og starfsfólkið þar er kurteist og brosmilt. Í því samhengi vil ég hvetja fólk til að bera á sig þar til gerð krem áður en lagst er í bekkina því það margfaldar árangurinn." Ég elska Velvakanda!
tilveran strax búin að linka á mig: "- Betarokk HATAR..." hmm...hata er nú einum of strangt til orða tekið... það er svo stressandi að hata. þægilegra að vera alveg sama. mér er sama...það er fínt. já. sama. gott orð.
undirtónar eru víst komnir í hann krappann. þurfa að auglýsa eftir pennum á tilverunni... þeir hringdu í mig um daginn og báðu mig um að taka eitthvað viðtal. ég svaraði ekki símanum og hef ekki gert síðan jólablaðið kom út því maður á ekki að leika við fólk sem maður vill ekki leika við. guði sé lof fyrir talhólf. mér finnst svo skrýtið að skilja ekki orsök og afleiðingu. ég var rekin af undirtónum þegar ég reif kjaft yfir að fá ekki borgað fyrir myndir sem ég tók af ron tippaling. sama dag og þeir reka mig sé ég svo jólablaðið. þar breyttu þeir viðtali sem ég tók við sjálfa mig og birtu viðtal þar sem ég var rökkuð niður í ræsið af [ritskoðað af rúnu]!!! núna, þremur mánuðum seinna hringja þeir hjá tónunum og biðja mig um að vinna fyrir sig aftur "ef ég er ekki ennþá í fýlu". er eitthvað skrýtið að mér detti ekki í hug að skrifa fyrir blað sem birtir orðræðu um að ég sé feit og viðbjóðsleg drusla sem tekur það í analinn? mér finnst það ekki. hver myndi fara aftur að vinna fyrir blað sem birtir svona krapp um starfsfólkið sitt? ég bara skil ekki að þeim detti það í hug. [jæja...hvaða diss ætli komi svo á tilverunni eftir þessa færslu....]
bachelorette stefnir í frrrrrrrrrrábæra seríu. þarna sannast enn og aftur að strákar eru skemmtilegri en stelpur. þeir voru alltaf að stela kristí frá hvorum öðrum, einn gaf henni æðislega dýrt armband og þá voru allir hinir æðislega fúlir en samt ekki því allir eru vinir. svo er nottla einn svertingi og einn grínari sem er soldið feitur en fær að vera með því hann er svo fyndinn. hún á svo ábyggilega eftir að fara að skæla í öllum rósaruppákomum: "it just hurts so bad when i see them hurt" blablalba...úff hvað þetta verður æðislegt. ég er samt ekki sátt við valið á gæjunum. allir allt of plokkaðir og pjúr með kjálka eins og buzz lightyear. en jöminn einasti hvað mar á eftir að fylgjast með þessu...
vísindaferð í gær. gaman. áman er skemmtilegasta kompaní í heimi. addi og guðni tróðu ofan í okkur ferskjuvíni og einhverju bleiku víni og svo fengum við milljón staup, gul, svört, blá, græn og svo leystu þeir okkur út með drykkjum fyrir partýið. valli viðutan fór í drykkjukeppni við hörku hönnu og þau drukku 25 staup á mann. valli drapst um leið og hann kom í partýið og ég man ekki eftir að hafa séð hönnu mikið meira... hressandi.
mér er sérstaklega illa við tölvuna mína. strippaði hana þegar ég átti ekkert að gera það og nú er hún tóm. vantar netið, tengja við hljóðkort, skanna og prentara og allt er í fokki. það er ekki einu sinni word!! arrrrrg. hata tölvur.

26.3.03

áráttusjúklingurinn gabbaði mig og tók mynd af mér með thigh-master og svo gabbaði hún mig aftur til að fara til þroskahefts skósmiðs með heyrnartæki. hún skal sko fá það borgað...
vinur minn hann raed er bara tekinn fyrir á edduvefnum.....æðslett.
úff...er inní tölvuherbergi í odda þar sem ég komst ekki á fundinn með halla ás. hann var víst að röfla um réttmæti stríðs og salurinn var troðfullur út að dyrum. annars er fullt búið að gerast á þessum netlausa sólahring. æsa er brjáluð út í eirík jónsson því hann vitnar í blogg okkar beggja þrátt fyrir að æsa var búin að segja að "nó komment". alltaf jafn slísí hann eiríkur. einu sinni á góðu fylleríi labbaði ég upp að eiríki og fór að dissann eitthvað en fattaði svo eftir 5 mín samtal að hann var ekkert maðurinn sem ég hélt að ég væri að tala við. ég ætlaði sko að bögga jón ársæl og hélt að eiríkur væri hann. eiríkur skildi ekkert hvað ég var að tala um, skiljanlega. allavega...ég og æsa vorum að tala mikið um þessi mál og var ég ekki svo heppin að fá "ritstuld" sem hugtak á prófi í morgun. mín átti létt með að útskýra það og satt best að segja held ég meira að segja að ég nái þessu prófi. klappklappklappklapp.

24.3.03

ekki það að ég sé með fetish fyrir karlmönnum að kúka en ég vona að mig dreymi hann í nótt...
nýja uppáhaldið mitt er michael fokking moore....hann fékk óskarinn fyrir bowling for columbine sem ég fæ víst að sjá bráðum og ég kaupi bókina hans á morgun, nó dát. ekkert smá sem var púað á hann þegar hann hélt "shame on you bush" ræðuna með hópinn sem var tilnefndur í flokknum á bak við sig. hann fékk þau öll með sér upp á svið til að mótmæla. jibbíkæjei moðafokka!! hitt hælætið var Gael García Bernal...úff....ég bara fékk næstum fiðring og kökk hann er svo sætur...honum tókst að lauma inn smá stríðsmótmælum en hann er svo sætur að það var ekki púað eins mikið á hann. adrien brody var líka æði en ég hélt með honum... en djöfull held ég svo að bono hafi verið fúll mar....eminem neitaði að koma á hátíðina og vinnur svo óskarinn. sem var mjög gott en svo kemur bara einhver krullóttur leimass api og heldur glataða ræðu... fyrir utan hælætin var þetta bara frekar döll óskar...gónótt.
ég held ég verði að vera sammála marvin....aðalspenna óskarsverðlaunanna í ár er hverjir munu mótmæla....popp, kók og yfirlýsingar...here i come!!!

23.3.03

það eru allir að tala um heimildarmyndina hans michael moore, bowling for columbine...mig langar að sjá hana!
ég mætti óvart í vinnuna í dag. átti ekkert að mæta. ýkt vitlaus. en það vantaði akkurat þannig að ég þurfti ekki að fara aftur heim að læra. hjúkket. þegar ég á að vera að læra verða flestir hlutir svo skemmtilegir nefnilega. ég er búin að krulla á mér toppinn tvo daga í röð...
í mogganum í dag er hin fínasta grein um blogg eftir gellu sem heitir hildur. heil opna í lesbókinni og blogg sett á forsíðuna. nú eiga sko allir að fá að vita hvað blogg er og ekkert hálfkák. hildur hringdi í mig þegar hún var að gera greinina og þá var ég að gæla við að byrja aftur að blogga. var kannski búin með eina færslu eða eitthvað eftir pásuna og sagði "nó komment" en röflaði svo í henni í tuttugu mínútur eða meira um mína upplifun af blogginu. vildi samt ekki vera tekin fyrir í greininni því ég er nottla svo viðkvæm ;) en samkvæmt henni er ég frægasti bloggarinn og dr.gunni vinsælasti bloggarinn. hvort er betra að vera frægur eða vinsæll?
pabbi og mamma komu heim frá útlöndum í gær og vildi ég frekar hanga með þeim en að fara út að dansa. svo vaknaði ég æðislega hress í morgun og ætlaði að fara að læra þegar bibbi hringdi í mig og þurfti akút söngkonu til að leika eitthvað við sigtrygg baldurs. hann er fyndinn. ég var látin syngja með troðfullan munninn af súkkulaði og lakkrís. geðveikt gaman. ég át og át og át nammi og muldraði eitthvað í mækinn...sérstaklega hressandi á sunnudagsmorgni. en svo varð ég veik í maganum.
föstudagskvöldið var einstaklega hressandi en systurnar á grundarstígnum skruppu út að gera sér glaðan dag. fórum til sóleyjar á gaukinn en þar var misheppnað r&b kvöld. enginn á staðnum og við tjúttuðum samt við tvö lög áður en við létum okkur hverfa. ég fékk vondustaðafetish og dró systurnar á glaumbar. þeim fannst það ekki gaman og fórum fljótt út. ég náði þó að dilla mér örlítið. síðasta stopp kvöldsins var svo nottla á 22 en um leið og ég sá krádið fattaði ég að doddi stóri úr trabant og funerals og eitthva, var að spila. alltaf þegar hann er að spila er miklu þreyttari stemning þarna. allir miklu meira sjúskaðir og pakklegir. skil það ekki. mæli ekki með honum. samt er hann sko hress....bara vondur dídjei eða eitthva.... allavega... áráttusjúklingurinn var strax tæklaður af þunglyndissjúklingi og náði ég engu sambandi eftir það. systurnar fóru svo bara heim á leið og þá hafði yngsta systirin víst verið farin heim. við tókum ekki eftir því. önnur rassía var gerð í eldhúsinu og við misstum svona fjögur krydd alveg ofan í pottinn og það er mjög sniðugt greinilega því þetta var besti matur sem við höfum smakkað. í alvöru. yngsta systirin kom fram á nærjunum og við vorum þrjár að borða dinner klukkan átta um morguninn þegar ég fékk heimsókn. áráttusjúklingurinn stökk niður og fór til dyra. "halló, er beta hérna?" "neeeeii...engin beta hér." (hann verður æðislega vandræðalegur) "uhm...já, þá er það kannski næsta bjalla" "neeeiii....engin beta hér" hann byrjar að labba í burtu voða hlessa og vandró þegar áráttusjúklingurinn segir: "neibb, bara að djóka...hún er hérna uppi." svo tekur hún þéttingsfast í höndina á honum og dregur hann með sér upp. hann er á fullu að reyna losna undan takinu en hún heldur bara fastar. svo sér hann eina systurina á nærjunum að borða pasta og mig verað sleikja minn disk æðislega hress. ég held að hann muni ekki koma aftur í heimsókn til systranna á grundarstíg.

22.3.03

einu sinni samdi ég ljóð: I am woman. I drink wine. I like people. I like people more when drunk. Life is good. Life is fantastic when sleeping. I fly in sleep. Thank you.
ég má greinilega ekki blogga um að ég sé að þykjast vera dugleg. því ég er það ekki. áráttusjúklingurinn tók kast á mig: "og beta....ekki segja mér að fara að læra og ég nenni ekki að heyra um þig að læra og vinna og eitthvað. svo las ég bloggið þitt og mig langaði að gubba. ég er að segja þér það, gubba!!!" hmmm...ókei. ég fór ekkert að læra....ég fór upp í rúm að senda sms. svo fór ég að dandalast en ég dröslaðist í vinnuna og ég ætla aldrei aftur að taka vakt í kringlunni því það er pjúra dauði. tveir lengstu tíma lífs míns. það eru svo mörg kærustupör í kringlunni alltaf. mig langaði að gubba. allir æðislega hamingjusamir. ef það eru svo ekki kærustupör þá eru það sterabuff með aflitað hár. svo könnuðust allt of margar gamlar konur við mig og ég þurfti alltaf að segja lykilorðið: "lambakjöt" til að friða þær. ekki gaman. ég sá samt atla atlas í kringlunni með bryndísi súpersesssíogsætu kærustunni og sá þau fara inn í gullsmíðabúð. ég fór alveg á fullt í hausnum að ákveða hvernig ég skyldi nú segja frá trúlofunarfréttunum á blogginu en þá voru þau bara að leita að skírnargjöf. ó vell, mar finnur ekki slúður í hverju horni.

21.3.03

jæja....þá er ég búin að sækja um sumarstörfin. ég held að ég hafi aldrei sótt um svona skemmtileg sumarstörf. en núna....læra og svo vinna...

20.3.03

Haustmisseri 2003 Stefnur í bókmenntafræði Jaðarbókmenntir Borgin í bókmenntum og kvikmyndum Heimspekileg forspjallsvísindi Vormisseri 2004 Sjálfsævisögur Barna- og unglingabókmennir Ritgerð til B.A.-prófs Blogg, blogg, blogg! jei!
úúúú...kennsluskráin komin upp. jeijeijei!!!
þónokkur stríðsblogg eru komin upp.... :: Thursday, March 20, 2003 :: there is still nothing happening im baghdad we can only hear distant expolsions and there still is no all clear siren. someone in the BBC said that the state radio has been overtaken by US broadcast, that didn't happen the 3 state broadcasters still operate. ég geri mér ekki alveg grein fyrir þessu. ég sest fyrir framan sjónvarpið og horfi á stríð í beinni, fæ svo nóg og fer í bað. vakna í morgun og heyri fréttir, fæ nóg, set tónlist í græjurnar og borða kókópöffs. mig minnir að unun hafi samið lag um eitthvað svona... heimsendir gerir ekkert til ég leggst og sofna yfir ísfólki.... maður kann ekki alveg á þessar tilfinningar...þetta er of stórt...en maður tekur þó afstöðu. næstu mótmæli verða fyrir utan stjórnarráðið kl.17:30 í dag og svo verða önnur klukkan 21:00 í topshop.
ath. ath. mótmælaseta verður fyrir utan ameríska sendiráðið klukkan 1 í nótt. allir að mæta sem á rassi geta setið!!!

19.3.03

ókei...þá er ég loksins komin með netið á grundarstíginn...en kemst ekki á msn. "get a net passport for windows xl"???....ég er löööngu komin með svoleiðis en samt er eitthvað að. arg. allavega....fjölskyldan á grundarstíg hringdi aftur í velvakanda í dag og það mistókst. ellý hjá velvó hefur mos def haldið að það væri verið að hringja úr tíkallasíma á kleppi því stressið var svo mikið. hringjari dagsins fékk andateppu og hljóp inn í herbergi en að sjálfsögðu hlupum við hinar á eftir henni og þá faldi hún sig en við tróðum okkur með undir fatahengið en þá byrjaði hún að svitna þessi ósköp, þóttist ekki heyra í konunni og sagðist þurfa að hringja aftur. hún skal hringja aftur klukkan tíu í fyrró.
já, hei...við komum í velvakanda í dag. jeijeijei!!! það sem ég vildi sagt hafa plús það sem kom í velvakanda í dag er að starfsfólkið á mcdonalds í skeifunni er mun brosmildara en í kópavogi... minnir að það hafi ekki komið fram.
það var mjög gaman í tíma í dag. varð svona nett verbal bitchfight milli tveggja klárustu stelpnanna í bekknum og svo var mjög mikið talað um hvað er fyndið og hvernig er hægt að mæla húmor... en nú...hamlet!
hei....vissuði að ef mar drekkur tvo lítra af vatni á dag þá verður maður ekki eins svangur en maður pissar þeim mun meira.

18.3.03

búin að kaupa nagla og er byrjuð að hengja myndir upp enda verðum við að hengja upp listaverkið eftir kúkinn í lauginni. annar dagurinn í bókabúðinni í dag... ofsa gaman og ég hef ekki þurft að díla við neina róna...en nú er kominn tími fyrir nuddbað og svo beint að sofa...
úff....maðurinn sem ég ætla að giftast...soldið líkur marc anthony samt...
Mótmæli við stjórnarráðið vegna yfirgangs Bandaríkjanna gagnvart Írak. Kl. 9.30, 18. mars. Ef af stríði verður eru SÞ að engu orðnar og heimurinn þar með seldur undir duttlunga þeirra sem völdin hafa. Stöndum saman!

17.3.03

jæja...nú er það bara harkan sem dugar. þarf að byrja að mæta í skólann aftur og svo er ég komin með vinnu sem er ábyggilega æðisleg...
einhvern veginn dettur mér í hug að útlenskir pró dídjeiar og rapparar líti á íslenska krúið eins og við lítum á super greg...

16.3.03

fjölskyldan á grundarstíg tvístraðist í gær og systurnar fóru bara einar að dansa. tókum eiginlega bara nákvæmlega sama rúnt og í fyrradag nema í gær var þetta much funner. prikið var skemmtilegt en ég man ekki hver var að spila. svo fórum við á sirkus og .s. spurði nákvæmlega alla í röðinni hvort þeir ættu grænan ópal. svo fór hún úr röðinni og spurði svona 50 manns hvort þeir ættu grænan ópal. enginn átti grænan ópal og fannst okkur það fásinna. árni sveins var fyndinn. ingveldur var indæl. doddi litli var að spila á 22 og var með eindæmum hress. hann spilaði næstum allt sem ég kom með. hitti frikka 2000 aftur og hann var hress. eftir 22 var okkur boðið í partý sem var...uhm....sterkt. megas býr með 13 flugum og einum ketti. í partýinu var sæt artístelpa, gunnar súkkatrokkstjarna sem talaði mikið um blogg og hafþór súkkatlistamaður sem teiknaði mynd af okkur. myndin af .s. var flott, hún var slank og sessí með þennan fína topp en hann bað um að fá að snerta á henni toppinn áður en hann teiknaði hana. myndin af mér var aftur á móti öðruvísi, ég var með vatnshöfuð og engan búk. einstaklega illa tennt en líka með flottan topp. að því búnu bað ég hafþór sem ég átti mjög erfitt að muna hvað héti um að teikna mynd fyrir fjölskylduna á grundarstíg því okkur vantar sameiginlega list á veggina. hann spyr megas hvort hann megi rífa heila örk og fær leyfi. hann teiknar fjöll og sól með topp sem líktist ofsalega vatnshöfuðsmyndinni af mér. ég spurði hvort þetta væri ég og varð hann mjög hneykslaður á að ég skyldi halda þvílíkt og annað eins og talaði mikið um að ég héldi að ég væri sólin. ég spurði samt nokkrum sinnum aftur hvort þetta væri ekki ég og hann hnussaði og fussaði meðan hann kláraði myndina. stuttu seinna fer ég á klósettið en sú ferð endar út á götu. .s. kemur víst fljótt út á götu. svo erum við ráfandi um þingholtin í símanum að reyna að finna hvor aðra en hittumst svo fyrir utan húsið okkar. mjög auðvelt að villast í þingholtunum. við erum einstaklega hressar þegar við komum heim og ákveðum að elda okkur kvöldmat. við notum alla potta og pönnur í húsinu. .s. nær í egg og brýtur þau yfir vaskinum en opnar þau yfir þvottagrindinni á leiðinni í pottinn. hálft eggið fór í pottinn en hinn helmingurinn eitthvað annað. þar sem hún gleymdi að hún væri ekki með pönnu sleppti hún að spæla eggin og bjó til hræru og bauð upp á forrétt. sérstaklega góður forréttur og spagettí í aðalrétt. eftir matinn bömbuðum við sælar upp í herbergi og fórum í símaleik. við hringdum mikið í númer í símunum okkar og töluðum þrisvar við mömmu eins sem var alveg ofsalega indæl. hún var svo hress og næs að ég gat ekki hætt að tala við hana og fór að ljúga að drengurinn hennar hafi gleymt bók hjá mér. sumir voru ekki hressir með það sem við vildum sagt hafa klukkan níu í morgun og við þurftum að útskýra margt þegar við vöknuðum í dag. ritskoðað af rúnu says: hringjandi í mömmu mína margoft í morgun, eruði þroskaheftar??? ritskoðað af rúnu says: mér finnst þetta ekki gott djók .: beta hringdi of mikið í nótt says: við hringdum nú í þig .: beta hringdi of mikið í nótt says: hún svaraði bara alltaf [block on] allavega.....góðverk dagsins var að við keyptum konfektkassa og gáfum fjölskyldunni á neðri hæðinni með innilegri afsökunarbeiðni vegna tillitsleysis okkar yfir helgina. því við erum fullorðnar manneskjur og tökum ábyrgð á gjörðum okkar.

15.3.03

demdemdem....mig hefur alltaf langað svo ógeðslega að leika rizzo í grease. hún er töff, hún kennir sandy að reykja, hún hefur áhyggjur yfir að vera ólétt, hún er alltaf full. hún er með harðnaglanum í hópnum en er samt í leyniflörti við danny. svo heitir hún líka beta eins og ég...eða elisabeth "betty" rizzo. hún var alltaf uppáhalds hjá mér. svo sé ég bara á forsíðu fréttablaðsins að það voru prufur og milljón manns mættu. ég hefði nottla ekkert fengið hlutverkið en hefði deffinetlí farið í prufuna því það er svo hressandi að fara í svona prufur. ætli ég geti mútað einhverjum og komist í leit oddissjón?
djammskíið var tekið með tvisti í gær...ekkert tromp notað. fjölskyldan á grundastíg safnaðist saman í kringum rauðvínsbeljuna og hlustaði á destiny´s child í gegnum playstationtölvuna. svo reyndi ég að kynna fjölskylduna fyrir slug en var rekin út í bíl að ná í mike. ég ætla að giftast þeim báðum. við fórum á prikið og þar var ekki stuð. þá ákváðum við að fara á sirkus en ég hef ekki farið þangað í háa herrans tíð. þar fylgdist ég með krullóttum spánverja reyna við björk og kynntist alveg ofsalega fallegum unglingum. einn var hýr á brá og bjartur á brún en hinn var dökkur yfirlitum með glitrandi augu og hökuskarð. fjölskyldan á grundastíg dró unglingana með á 22. þar átti fjölskyldan á grundarstíg ekki peninga til að komast inn þannig að systurnar þurftu að fá lánað hjá bekkjarbróður sínum til að borga fyrir unglingana. unglingarnir voru hressir með það. tónlistin var vond. ég dansaði ekki. held ég hringi í velvakanda út af því...

14.3.03

"Mér sínist þú vera að leita að mér,og þú verður að gefan góðan,vera í G streing og vel rökuð.Líst þér eithvað á þessa hugmind hjá mér." þetta bréf fékk ég frá 33 ára karlmanni... ég held að ég sé aftur hætt að fara á einkamálið.
vá, hvað ég átti skemmtilegan dag :) fundum upp frábæran leik, hringja í velvakanda. mjööög skemmtilegt. ætlum aftur í hann á mánudaginn. jei. svo skilaði mín ekki bara heilum ritdómi um rakstur. gat það alveg ein. komst samt ekki í tímann. ó, vell. fékk gefins bumsquad-diskinn í dag. sá auglýsinguna mína í dag. fékk mér makklétt í dag. hitti óvænt félaga sem býr í útlöndum eins og reyndar í gærkvöldi líka, velkomnir heim tryggvi og daði :). átti ofsalega skemmtilegar samræður í dag við ofsalega skemmtilega vini og sá alveg ofsalega hamingjusaman strák. góður dagur. en ég gleymdi nú samt að sjá tryggva spreyja í austurbæjarskóla í morgun....dem! en nú...gera sig reddí fyrir boð.
dísess kræst....ég var búin að heita bachelor : last episode í allan gærdag á msn og hlakkaði mikið til að fara í bachelorpartýið. nokkrar stelpur, snakk, súkkulaði, tvær kisur, gin, spræt, viskí og bachelor. betri blöndu er vart hægt að fá. ég veit hver vinnur og hlakkaði ógurlega til að fara að tala um hana eftir þáttinn en þá var þetta enginn lokaþáttur... síðasta deitið eftir og nákvæmlega ekkert gerðist í þessum þætti. glaaaatað. en við drukkum bara því meira viskí, töluðum um arona íslands og fórum svo á bölstofuna. það var skemmtlett... hitti tvær stelpur sem voru ýkt góðar vinkonur mínar einu sinni...soldið sorglegt að ég mundi eftir hvorugri þeirra. ó vell...

13.3.03

ég kyssti kokkinn á árshátíðinni því mér fannst hann svo líkur richard gere. fólk er iðulega að koma upp að mér og segja mér að það hafi verið misskilningur og nú var ég að fá þetta sent til áminningar um að kyssa ekki fleiri kokka... ég man að hann var líkur richard gere en samt sé ég alltaf þennan leikara fyrir mér þegar ég hugsa um hann... skrýtið... ekkert líkur richard gere.
einhverra hluta vegna tók ég mark á stjörnuspánni minni í dag (eða nótt): "Nautið - 3/13/2003 Neistinn sem falinn er djúpt í sálu þinni kallar vafalaust til þín um þessar mundir miðað við stjörnu nautsins í mars mánuði. Vaknaðu til vitundar og hlúðu með sannri ástúð að eigin tilfinningum. Lærðu einnig að þarfir líkamans koma ekki alltaf heim og saman við hugmyndir þínar um fegurðina og veruleikann. Þú þarft að láta félaga þinn vita hvað þú vilt því annars fá hvekking og bæld reiði yfirhöndina í sambandinu sem hér birtist af einhverjum ástæðum." til að forðast hvekkingu og bælda reiði rasaði ég út, sagði frá öllum mínum tilfinningum og held að ég sé búin að missa vin... en það á örugglega eftir að borga sig. það er verra að reyna alltaf að halda kúlinu og láta sér fátt um finnast en vera ólgandi undir niðri. maður á að segja það sem manni finnst. maður á að segja það sem manni finnst. maður á að díla við eigin tilfinningar. maður á að díla við eigin tilfinningar. ég hef lesið of margar sjálfshjálparbækur. ég hef lesið of margar sjálfshjálparbækur.
nýji uppáhaldsþátturinn minn í útvarpinu er 17.júní á muzik milli 4 og 7. hemmi og jón eru nottla svo æðislegir sko. ég og .s. vorum á aktu taktu að borða pulsu og komumst að því að þeir eru sessí, sætir og fyndnir. svo kom bara jón gnarr endurfluttur...mjög mikil snilld fyrir okkur sem vöknum ekki fyrir hádegi. vona að þeir taki samt fljótt á því að spila íslenska hiphoppið eins og gamla muzik...húrra fyrir muzik. en nú...ein ritgerð um rakstur og svo bachelordjamm. ætlum að æsa okkur yfir aron og æsast svo meira vonandi á ölstofunni...jei!!!
mér finnst séð og heyrt svo endalaust fyndið... fjölnir keypti sér tíu hænur og hringdi í séð og heyrt. rosa fréttir. fjölnir að tapa sér í hvað hann er æði. og séð og heyrt hlægja ábyggilega svo mikið að honum að þeir ákveða að setja þetta á forsíðuna... hvenær ætlar fjölnir að fatta að það er verið að hlæja að honum ekki með honum.
vaaaááá....næstu stjörnur mar...ég væri til í að endurfæðast sem grúppía ef þessi gæji kemur mar...sjiss.. the music...eitthvað svona rokk eitthva...

12.3.03

úúúú....önnur kossagrein... mér finnst æðislega gaman að kyssa en kossarnir verða betri og betri eftir því hvað maður hefur beðið lengi eftir þeim. húrra fyrir kossum.
heheheh...váá, ég var búin að gleyma þessu mar. þetta unnum við eldar við. sjiss....það var góð vinna. nó vonder að við fengum ekki laun....svona skemmtilegar vinnur eru bara ekkert borgaðar. annars byrja ég í nýju vinnunni minni á mánudaginn...jei!!!
mikið var gærkvöldið ljúft. dinner, vínó og 7 tíma trúnó. bjúúútífúl....

11.3.03

æhj, grey. hulli braut gleraugun sín um helgina og var blindur á djamminu...þess vegna heilsaði hann mér svona skringilega...hann hefur bara ekkert séð mig...
Move Your Ass, Faster Harder Scooter, Our Happy Hardcore og I'm Raving æðslett að gunni sé byrjaður að blogga mar...allt skúbbið beint í æð. hann segir að þessi villti maður sé að flytja inn scooter og ætli að halda tónleikana í höllinni. ætli það sé raunhæfur möguleiki? sko, ég veit að unglingar fíla skúter alveg geðgt...sóley var að spila á einhverjum unglingatónleikum í kaplakrika í haust og bókstaflega allir báðu um skúter en enginn af okkur fullorðna fólkinu hafði hugmynd um hvert goðið væri. eina sem ég hef heyrt af skúter er fyllerí sem dáni djúpa fór á með honum á einhverju hóteli. þeir voru inn í einhverju lokuðu herbergi á voða fínu hóteli að drekka viskí þegar ljóshærða karlpíkan kom inn með öryggisvörðum. kvöldið endaði þar sem einhver stóð uppá flyglinum að dansa meðan skúter spilaði á píanó og söng alveg geðgt hress lög og allir súrrealískt fullir og kannski meira. dána líkaði allavega ágætlega við gamla kallinn en gerði sér enga grein fyrir seleb-statusnum fyrr enn hann sá krúið aftur á flugvellinum að troðast í gegnum þúsund öskrandi gelgjur. já, kannski er bara alveg vettvangur fyrir skúter hérna...hver fílar ekki lög eins og Move Your Ass, Faster Harder Scooter, Our Happy Hardcore og I'm Raving. mér finnst samt fyndið að allir krakkarnir halda að hann sé bara svona tvítugur þegar hann er alveg 37 ára...
mig langar í kærasta...gott að eyða kvöldum með góðum vinum...en mig langar í kærasta...

10.3.03

hahahhaha.....s. heitir á msn: .s. mælir ekki með rakstri í þjóðleikhúsinu. mýrdalinn hélt að hún hefði verið að raka sig í þjóðleikhúsinu. ein æðslega hress gella að mæta með venus á sýningu og stökkva inn á bað að raka sig í hléinu...
hmmm....um síðustu helgi var ég að flytja og fór ekki út úr húsi en samt er mynd af mér í hverjir-voru-hvar í fókus og stendur eitthva: "að sjálfsögðu var betarokk mætt á staðinn því hún lætur sig ekki vanta í svona partý..." skrýtið...ætli ég hafi óvart dottið í það og man bara alls ekkert eftir því að hafa farið út? gæti verið sko. eiginlega ætti maður líka frekar að treysta fókus en mínu minni...
að mér læðist sá grunur að þegar ég kyssi stráka er ég með þetta lag á heilanum en þeir þetta...
en guzzi beibí er að linka á gunnapalla og þá hringdi nú einhverjum bjöllum. ég var að fá eitthvað geðgt skúbb hjá gunnapalla á 22 um helgina en þar var hann með sætasta sjónvarpsmanni ársins, atla atlas, en ég hef verið svo upptekin af honum að ég bara man ekkert hvað gunni var að segja mér. djöfull...

9.3.03

toggipop er rosalegur í djammsögunum... ekki séns að ég nenni þessu öllu... ég geri líka allt of marga hluti á djamminu sem ég vil ekki að neinn viti af. en ég var svona að fara í gegnum togga og krúið og vaaaaáááá hvað guzzi er brúnn! hérna er hann með krúttlúkkið og hérna er hann að dansa sitjandi... af hverju hafði enginn sagt mér hvað hann væri brúnn? af hverju var ég ekki búin að fatta það fyrr en mér var bent á það?? athyglisgáfa mín er greinilega að fara í hundana.
annars er ég byrjuð að leika mér við einkamál aftur (komin með leið á bloggi og vantar fleiri hressa á msn) og er soldið óhress sko. ég kynntist manni sem var hress. hann býður mér á deit á fimmtudaginn en ég var komin í náttföt og eini maðurinn í plönum kvöldsins var bachelorinn. allavega...svo ekkert meira með það en við tjöttum aðeins á föstudaginn á msn en svo fer ég á árshátíð. mætir gaurinn ekki bara á árshátíðina! mér finnst það ekki nógu sniðugt. þúst...árshátíðin þar sem mar er í góðra vina hópi og það er ekki staður né stund fyrir blint stefnumót. sama hvað gæjinn er fæn. ókei, kannski ekki alveg sama hvað hann er fæn en samt. mér fannst þetta alveg off og mæli ekki með þessu.
úff....eftirmálar kosningadjammsins að koma í ljós og pungsveittur er eitthvað pirr greinlega... "Nýyrði dagsins... Betarokk, að betarokkast --- Þegar fólk segir aldrei neitt af viti og gerir mikið af því og finnst það töööff... "Stelpan gerði ekkert nema betarokkast..."" ókei ég tala kannski soldið mikið og gerði það án efa á kosningadjamminu en ég er alveg ósátt við sjálfumgleðiskommentið...maður getur verið hress án þess að vera sjálfumglaður og finnast maður æðislega "töööff". dóri...ha! en takk fyrir síðast...
vinkona mín var að vinna á laugardaginn eftir árshátíðina. hún vinnur í búð. kona kemur að spyrja um vöru en snýr sér svo að annarri búðarkonu og segir: "nei, þú ert edrú, hvernig finnst þér...balbabla." mér fannst þetta svolítið kúl komment...neyðarlegt að fá það í hausinn en góð leið til að koma því að að maður lykti eins og bargólf.
gæjinn sem leikur í atlas auglýsingunum heitir atli. ætli hann sé kallaður atli atlas? frikki frikk var nú kallaður mjólkurkexstrákurinn lengi vel....jöminn....ég á eftir að verða kölluð lambakjötskonan... dem.

8.3.03

staðfest. ógsla sæt og mjó gella leikur mig í verslósýningunni. ógsla stolt ég. kannski mar fari bara á sýninguna......... iiiiiiiiiiiiii, ein ógsla geðveik!
jæja...mantran mín var "enga skandala, enga skandala" og vitimenn... beta skandaliseraði. tölumekkimeiruþað. árshátíðin var alveg ógurlega skemmtileg. maturinn var geðgur og kokkarnir...tölumekkimeirumþað. eftir matinn komu svo skemmtiatriði. hannes og valli slógu í gegn svo um munar. voru með gítar og sungu hina angurværu en sorglegu ástaróða skater boy og do you believe in life after love, after love, after love....með cher víbri og allt. mjög æðislegt. svo tóku þeir "lag sem skýrir sig eiginlega sjálft..." og svo byrjuðu þeir á "égersæljóóóón" eða lag númer fjögur eins og flestir kalla það...eða er það lag númer eitt? auðvitað geta þeir ekki útskýrt lagið þar sem þeir vita ekkert hvað það þýðir. eftir laaangskemmtilegustu skemmtiatriðin komu skemmtiatriði spænskunnar. flamengódans. og annað skemmtiatriði. flamengódans. tveir dansar í röð er of mikið fyrir viskílausa betu sem talar ekki spænsku þannig að við skunduðum bara öll í partý í heimahúsi. sem var líka mjög gaman. ég heillaðist algjörlega upp úr skónum þegar drengur einn spilaði á píanó og söng til mín hero með enríke íglesías eftir að ég var búin að taka richard marx fyrir hann. mikið var þetta huggó. svo var talað um pólitík....úbs. orðin sein....latah!
wtf??? hlutverk: betarokk??? er verið að leika mig í verslósýningunni og enginn búinn að segja mér það? eða er þetta bara ekkert tengt mér og er bara einhver rokkabillístelpa sem heitir beta? hlýtur að vera...
hahhahha..... er að tala við .þ. í finnlandi....hún er að segja mér frá vinum sínum í helsinki. einn heitir auli og hinn heitir ekki....auli er stelpa og ekki er stákur...finnsk nöfn eru fyndin.

7.3.03

jæja....ég var víst aðeins að missa mig í nótt. ég er sko ekkert móðguð sko...mér hefði ábyggilega verið boðið hefði ég verið í tímanum. ábyggilega. ég er allavega voða lítið skilin útundan...eilega bara ekkert...og það verður gaman í matnum því við förum svo skemmtilegar stelpur saman. og það er nottla fólkið sem skiptir máli...
jájá...ég er ekkert smá móðguð. það er víst partý hjá "kúlaða fólkinu" í bókmenntafræðinni og enginn sagði mér frá því. þau fara ekki í matinn...hittast bara í drykkju meðan ég og lúðarnir borðum æðislega dýran mat með fólki sem við þekkjum ekki...
bachelorette: piparjónka, piparmey, kona einsömul, einmey, eigefin, ógefin, vangefin....??? íslensk orðsifjabók segir að piparsveinn merkti einusinni farandkaupmann sem verslaði með pipar eða krydd, síðan roskinn, ógiftan kaupsýslumann og svo loks mann sem ekki giftist. þess vegna heitum við sorglegu konurnar í dag piparmeyjar.
mér var boðið á tvö deit í kvöld og ég sit hér ein við tölvuna með stellu í annarri og er að tala við "vini" sem ég hef aldrei hitt og veit ekki hvernig líta út. en ég er búin að vera svo aktíf í raunheimum að þetta er leyfilegt. svo er ég að fara á árshátíð á morgun. jei. ég ætla í matinn og allt en það eru víst bara allra hörðustu lúðarnir sem láta sjá sig í matnum á svona árshátíðum í háskólanum. lúðarnir og vinalausa fólkið. ég á alveg vini (fjóra) þannig að ég er lúði. .s. ætlar ekki í matinn því hún er kúl. svo er bekkurinn að fara á rakstur í þjóðleikhúsinu á laugardaginn. miðasölukonan lét .s. hafa minn miða og mig hennar og við erum búnar að komast að því að það eru örlög og við eigum eftir að sitja við hliðiná verðandi eiginmönnum okkar. eða allavega önnur hvor okkar. þannig að við megum ekki skandalera á árshátíðinni eins og við gerðum á kosningavökunni. enga skandala. enga skandala. og gunni heimó...msn!
mér fannst gaman að sjá bachelor í kvöld. það var svona "women tell all" þáttur...... christí fær loksins deit þrátt fyrir að vera tilfinningalegt ofviðri en mikið fann ég til með gwen..."i wish that you would have known". held að allir séu með svoleiðis breiköpp á bakinu og konfrontað það allt of seint...annars hata ég helene. hún er alveg mest glötuð og hlær allt of rembingslega. ókei hún er ógeð vel vaxin og sæt án meiköpps en þetta challenge sem hún er alltaf að þykjast vera með er bara röfl. hún á eftir að vera bitchy dómínera sem dömpar aron svo strax því hann fær meiri athygli en hún. tussa. brooke á eftir að vera miklu betri kærasta. miklu betri, sætari og skemmtilegri enda með skemmtilegri hreim og betri hlátur. .s. og ég vorum samt að rýna aðeins í þetta og það er alveg áberandi hvað engin af gellunum vill vita með hvaða liði hann heldur, hvar hann stendur í stjórnmálum, hvaða tónlist hann hlustar á, hvaða kvikmyndir kveikja í honum eða hvort hann frói sér í sturtu. skipta þessir hlutir ekkert máli eða er ég að misskilja?? þær vilja bara vita hvað honum finnst um þær og hvort hann verði heima strax eftir vinnu....ekki séns að ég ætli að meta gæja út frá vinnutíma...kommon. gerir það einhver? soldið bjánalegt blaður sem á sér stað í þessum þætti...ekkert konkrít...engar skoðanir á því sem er að gerast í kringum þau... æh...ein voða bitur. og annað....af hverju er ekki til betra orð en piparmey/jónka í stað bachelorette?? þetta er svo niðrandi orð eitthvað. ég fæ mér alltaf 2 ópöl svo ég pipri ekki því það er það ömurlegasta í heimi en allt kemur fyrir ekki...

6.3.03

aðaltæfa brusseluppvakningarinnar er byrjuð að blogga....jesss!

3.3.03

ég vissi greinilega ekki helminginn af því sem gerðist á fimmtudagskosingadjamminu. ég var send á bsr til að borga skuld vinkonu minnar. hún vaknaði bara með miða í hendinni sem stóð á: skuld: tveir geisladiskar og gsm sími = 1450 kr. hún mundi eftir einhverjum strák en þar sem bíllinn var svo dýr hélt hún að hann hlyti nú bara að hafa hent henni út heima hjá sér og hún þurft að taka bíl til baka. hún vissi það samt ekki og bað mig um að spyrja hvaðan bíllinn var tekinn. allavega...ég fer á bsr því hún þorir ekki inn. ég: halló, ég þarf að borga skuld síðan í nótt og geturu sagt mér hvaðan bíllinn var tekinn. bsr-skiptiborðskonan fer í símann að tala við bílstjóra næturinnar, párar eitthvað niður og kemur svo til mín og les á miða: já, sko. þú tókst leigubíl klukkan hálf sjö í morgun frá hólmaslóð 4 (vökupartý), það var strákur með þér í gráum jakkafötum. þaðan fóruð þið á bsí og keyptuð pítsu. svo fóruð þið heim til hans að blablablagötu 20 og þá ákvaðst þú að vilja ekki fara með honum inn. hann var ekki ánægður en borgaði þúsundkall í bílnum og fór inn með pítsuna. þú vildir þá fara niður í miðbæ og varst mjög strembin. mér fannst voða fyndið að fá svona haldbærar upplýsingar og bið um að fá að eiga miðann til að sýna vinkonu minni. skiptiborðskonan trúði ekki að þetta væri ekki ég. semsagt argandi djamm hjá mér og mínum fyrir helgi og við höfum staðið á haus í flutningum síðan þá. ég er flutt í lítið dúkkuhús í þingholtunum með central híting og jöminn einasti hvað það er fokkd. alaska í einu herbergi og benidorm í einu því við ofnarnir eru ekki alveg með centralinn á hreinu. ég var á benidorm í nótt og það var svo heitt að ég átti erfitt með andardrátt. þurfti að gera jógaöndun frá 5-6 í morgun til að deyja ekki. mjög fríkí. en við nöppuðum pípara í hverfinu í dag og allt er komið í kei. jei.

1.3.03

einu sinni kom ég í fréttablaðinu. ljósmyndarinn kom á allt of réttum tíma og ég var hálfnuð með herdúið...toppurinn stóð upp í loft eins og á mary. ég var ekki sátt. svo kom myndin í blaðinu og var æðislega blörrí og illa prentuð þannig að ég var bara ánægð því ég var ekki nálægt því að vera sæt á þessari mynd. en núna er myndin víst stækkuð upp úr öllu valdi og er ein af fréttaljósmyndum ársins á sýningu í salnum í kópavogi. á þessari sýningu er önnur mynd af mér en hún er allt í lagi nema ég er með hettu og er eins og e.t. ég er samt hætt að vera hissa þegar ég er ljót á myndum sko...en soldið hrædd við þær stórar. kannski mar ætti bara að skella sér á þessa sýningu og þykjast vera æðislega hissa þegar mar sér myndinar af sér og segja æðislega hátt:..."nei, sko...eretta ekki bara ég!!!"
mér fannst sérstaklega skemmtileg viðhorfsgreinin sem frk.sunna (minnir mig) skrifaði í moggann á í gær. ég er náttúrlega svo egósentríst að ég tók bara eftir henni því hún tók part úr mínu bloggi. en hún gerði það án þess að segja að það væri ég. mér fannst það smart. gó sunna, gó sunna :)

26.2.03

ég vil biðja alla frambjóðendur vöku og röskvu afsökunar, sérstaklega pé og guðm.a. þetta voru allt of góð partý. ég faðmaði mallakútinn hans svansson endalaust. honum mislíkaði atlotin. skil það ekki. svo gerði ég hvern skandalinn á fætur öðrum. ég kynntist ofsa mörgum ofsa vel en man ekki hverjum þannig að ef þú lesandi góður kynntist mér æðislega vel á fimmtudaginn og ég heilsa þér svo ekki í skólanum, þá er það ekki því ég er góð memmig....það er því ég man ekki. ég held ég hafi kynnst 8 stelpum sem líta allar eins út og 14 strákum sem allir líta eins út. kannski þetta ætti að segja manni eitthvað. hmmm... eftir örlítinn svefn vaknaði ég svo við það að fá óvænt hús sem mig dreymdi um að leigja þannig að ég er búin að vera á haus að redda og flytja. sjitt, hvað ég er þreytt....
jájá...lambakjöt getur nú verið alveg dæmalaust gott og skemmtilegt...og líta í kameru :) brosa...vera bein í baki...oooog klósöpp.....sjitt hvað mér líður bjánalega...

25.2.03

talandi um sverri stormsker. einu sinni fór ég á tónleika í ms með honum. ég sat fremst. ég hlustaði á "gudda hún gólaði og stundi" í 5-6 varíeisjönum og hugsaði með mér af hverju hann nennti ekki að semja um annað en ríðingar. sverrir sér í miðju lagi að ég er eitthvað þungt hugsi. hættir að syngja og spila og verður æðislega pirraður. stormsker: "af hverju horfiru svona á mig. hvað ertu að hugsa?" ég (í sjokki yfir að vera ávörpuð af manninum og fatta ekki að ljúga og segi): "ég var bara að hugsa af hverju þú nenntir ekki að semja um annað en ríðingar. mér finnst þetta svolítið þreytt." stormskerinn tók gúlsopa af maltinu sínu og byrjaði að öskra á mig, á miðjum tónleikum að ég væri feit og vitlaus og spurði hvort að lagið þórður væri klám. svo hélt hann áfram að tapa sér þangað til ég labbaði út. eftir það spilaði hann eitt lag og þá fóru flestir krakkarnir í salnum að tínast út mér (að ég held) til samlætis. hann var einn eftir, hætti og strunsaði svo út í bíl þar sem hann sat svo með maltið sitt í hálftíma. ég ætla ekki heldur að vera eins og sverrir stormsker þegar ég verð gömul.
úff. var að lesa blogg og ég tók ákvörðun upp á framtíðina. þegar ég verð 32 ára ætla ég ekki að vera þunglyndur og hrokafullur frílans blaðamaður og þjónn með minnimáttarkennd. ég ætla ekki að hanga með nítján ára poppstjörnum til að virka meira kúl. það hlýtur að vera leiðinlegt að vera týpan sem eignast aldrei vini nema í gegnum massífan sleikjuskap og AA. hlýtur að vera ennþá leiðinlegra að missa nýjasta stjörnuvininn til sverris stormsker. pant vera öðruvísi þegar ég verð gömul!
ætli það hafi verið planað hjá jóni að fara ekki í loftið fyrr en það væri búið að reka sigurjón? hmmm...pæling... annars hefur sigurjóni tekist mjög vel að höshja verðandi fráfall sitt en ég heyrði það fyrst í september að hann ætti að láta sig hverfa. en ég sagði ekkert því ég er engin slúðurkelling. :)
djöfullinn að vera komin með ritskoðara mar. sjitt.
ég á einn vin sem er alltaf með svo geðveikislega dramatísk nöfn á msn...í dag er það: You used to be everything to me And now you're tired of fighting Tired of fighting yourself. þetta væri skiljanlegt ef hann væri þunglyndur og í heimsspeki en svo er ekki...gæjinn er 14 ára!!!
hei...var að finna blogg sem mér finnst skemmtilegt. ..::raunir rauðs::.. ...hann segir að birgittan hafi fengið þrjúhundruðþúsund fyrir að syngja júrólagið... vá hvað hún hlýtur að vera lóded mar...
magni á móti sól var í morgunsjónvarpinu að vera æðislega hress poppstjarna. ofsa sætur og kúl með húfu. svo átti hann að syngja fingur með birgittu haukdal og þá kemur dagskrárgerðargellan askvaðandi og rífur af honum húfuna til að setja á hann klút eins og birgitta er alltaf með. og við sjáum öll að magni er kominn með skalla. ef fólk er með húfu á ekki að rífa hana af. sérstaklega ekki í beinni í sjónvarpinu. annaðhvort erum við að fela skallann, blettaskallann eða erum með sjúklega vondan hárdag.

24.2.03

árni hamstur var eitthvað að brandarast um frímúrararegluna og agnúast út í að þarna mættu bara vera kristnir menn. "Þarna stendur að maður verði að vera kristinn til að vera með í félaginu. Svo stendur í næstu setningu að félagar í Frímúrarareglunni á Íslandi séu þverskurður af þjóðfélaginu... sem sagt fyrir utan þá sem eru ekki kristnir. Góður þverskurður þar! Ég sem hélt að það ríkti trúfrelsi á Íslandi." samkvæmt hagstofunni eru 90,8% þjóðarinnar kristin, þar af eru 86,6 % í þjóðkirkjunni og 4,2% í fríkirkjunni og öðrum söfnuðum. er það ekki bara ágætis þverskurður þrátt fyrir trúfrelsi? ef menn eru ekki kristnir hafa þeir ekkert að sækja í frímúrararegluna. þetta er kristið samfélag og eftir því sem ég hef kynnst því líkar mér betur og betur við það. virðing, manngæska og bróðurþel einkennir félagana og það er náttúrlega bara af hinu góða, hvort sem maður er kristinn eður ei. ég er ekkert sérstaklega kristin bæ ðe vei...
hvernig stendur á því að ráðamenn þjóðarinnar leyfa öllum þegnum sínum að fara í rassgat meðan þeir sjá svona ofsalega vel um sitt eigið. var að lesa moggann og sá þar grein um konu sem á 15 ára son sem er fastur í eiturlyfjum og á við alvarlega geðræn vandamál að stríða. fyrir henni eru öll sund lokuð þar sem velferðakerfi okkar er svo lélegt. það er alveg út í hött að við erum ekki með aðstöðu fyrir unglinga sem eru með geðræn vandamál og á sama tíma að díla við eiturlyfjavandamál. ef krakki er búinn að vera í sjálfsvígshugleiðingum síðan hann var tíu ára er ég bara ekkert hissa á því að hann hafi leiðst út í eitulyf og það ætti bara ekki að koma neinum á óvart en það sem kemur á óvart er að það er ekki hægt að hjálpa honum neitt. barna- og unglingageðdeild landspítalans tekur ekki á móti sjúklingum með geðræn vandamál ef þeir eru líka í dópi og forsvarsmenn stuðla taka ekki á móti unglingsdópistum ef þeir eru einnig með geðræn vandamál. krapp!!! þetta er hreint og beint fyrir neðan allar hellur! það er fáránlegt að nú hrannist upp einhver helvítis loforð um skattalækkanir svona fyrir kosningar, keyptur sé ráðherrabústaður fyrir 900 milljónir í berlín og ráðherrum leyft að innrétta klósett fyrir fleiri milljónir inni á skrifstofunni sinni en ekki gert rassgat í velferðakerfinu. ég er náttúrulega ekki pólitíkus en er ekki svolítið fáránlegt að svona litlu samfélagi sé ekki hægt að stjórna betur??? þeir litlu verða minni og stóru verða stærri. djöfuls krapp!!!!
ég svaf ekkert í nótt. fór að sofa fjögur og er við það að sofna klukkan fimm en dett þá eins og maður gerði þegar maður var lítill í svefnrofunum og er með æpandi hjartslátt í klukkutíma í viðbót. svo dreymdi mig alveg rosalega. sama þema og í the ring en annað plott og umhverfi. stökk fram úr rúminu rúmlega tíu og er ennþá eitthvað tens. það er eitthvað að!!! þetta var bara bíómynd!!!
ég verð ekki auðveldlega hrædd. ég bý í allt of stórri íbúð sem margir segja að sé fullkomin fyrir hryllingssviðsmynd. inni í íbúðinni er fornaldarlyfta inni í skuggalegu herbergi með allt of mörgum skápum frá gólfi upp í loft. ég ákvað að finnast þetta frekar flott en fríkí. meðan ég hef búið þarna ein hef ég tvisvar vaknað upp við að sjónvarpið kveikir á sér algjörlega að sjálfsdáðum en hef bara farið fram og tekið það úr sambandi án þess að æsast upp í tryllingi og veseni. semsagt mjög jarðbundin og íslensk. en í kvöld fór ég á the ring og mér varð óglatt og er ennþá óglatt... ég mun ekki horfa ein á sjónvarpið í nánustu framtíð og er guðslifandi fegin að hafa meðleigjanda...djöfull fór þessi mynd í mig....ég er ennþá með hroll...

23.2.03

tilvitnun ársins: i wouldn´t want to be in a club that would have someone like me for a member
las eitt stykki danielle steel metsölubók númer 52 í gær og viti menn....ég fékk ekkert svo mikinn kjánahroll. ég er sýkt af rómantíkinni. jú, samt fékk ég smá kjánahroll sko en ekki nógu mikinn þannig að í dag ætla ég að lesa einhver reyfara frá pabba með æðislega svörtum húmor og eitthva. nenni ekki að lesa guide to writing about literarture. nenni því bara engan veginn...
ég er nú alveg ómöguleg. var algjör bridget jones á föstudaginn og datt út úr einum bíl og ofan á annan. skil ekki alveg hvernig ég fór að því...kannski ekki bridget frekar eins og eddie í absolutely fabulous. nema sorglegri. svo tókum við annan bíl upp í eitthvað partý í þróttheimum. ég var nýbúin að sauma mér nokkurs konar húfu en stakk hausnum út um gluggann á bílnum því það er svo gaman og hún fauk út í buska. dem. bý bara til aðra....allavega, þá kostaði 500 kall inn í þetta þróttheimalúðapartý og glætan að við áttum fyrir því. þurftum að díla við leigarann sem gekk ekki þannig að .s. þurfti að redda okkur heim aftur. ekki smart. ég hitti tim sem kom hérna með ron jeremy. hann hress að vanda og bladíbla. er svo að borða rúnstykki með pabba og mömmu í dag...á sunnudegi og mundi þá eftir að hafa fengið nokkra boðsmiða á robert townsend standöppið...sem var í gær. þetta er ekki hægt sko...

20.2.03

jæja...konudagurinn er víst á morgun. kannski maður leigi sér strák til að leiða niður laugarann svo maður líti ekki út fyrir að vera eins aumkunarverður og maður er í raun og veru...hvað ætli kosti að senda sjálfum sér blóm??
þar sem ég á ekki fyrir mjólk svalaði ég kaupiþörf minni í eymundssyni því þar á ég inneignarnótur. keypti ég mér ekki mína fyrstu danielle steel bók með 90% afslætti. bókin heitir leap of faith og er hennar fimmtugasta og önnur metsölubók. hún er örugglega yndislega æðisleg og kostaði hún einungis 107 krónur. ég ætla að lesa hana í þynnkunni á laugardaginn og tapa mér í rómantíkinni. ég er búin að lofa mér að bæla niður allan kjánahroll. í gegnum gelgjuna var ég sko aldrei mikill lestrarhestur, byrjaði ekki á ísfólkinu fyrr en allt of seint og gat ekki lesið meira en eina bók. einhverra hluta vegna hélt ég alltaf að ísfólkið væri gebbað kúl en svo var þetta bara offbeat rauðuseríubókmenntir. beilaði á því. en mér skal takast að fara í gegnum leap of faith. mér skal. samt á ég eftir að vera með mary fisher á heilanum allan tímann....karakter meryl streep í she-devil. djöfull var það skemmtileg mynd...
jæja...gúrkutíðin algjörlega að fara með blaðamenn. ég ætlaði svona að lauma mér í bloggheima aftur og ekki einu sinni segja pabba ogg mömmu en þá kemur bara frétt í fréttablaðinu um að ég sé byrjuð að blogga á ný. hú kers?? allavega...komin í massafíling fyrir vísindaferðina sem er á morgun. okkur verður boðið upp í eddu miðlun. jei. ég ætla að heilsa öllum eins og þeir séu æðislega góðir vinir mínir og monta mig yfir að þekkja ritstjórana og svona... nema ég sleppi því. það verður samt gaman. fullt af víni og bjór en enginn matur þannig að ég ætla að bjóða stelpunum upp á pasta frá mömmu áður en haldið er af stað...jei.

19.2.03

ég var að uppgötva nýja hljómsveit... fékk gefins mixdisk frá einum í bekknum og þvílíka endalausa snilldin. allavega....uppáhaldið mitt þessa dagana er bright eyes og er það mestmegnis út af hugmyndinni um stelpuna í laginu going for gold. hún spilar á fiðlu en er svo viðkvæm að hún fer alltaf að skæla þegar hún spilar, lögin stinga sér í hana..."and then the melody comes pouring out her eyes"... .s. segir að ég sé orðin allt allt of rómantísk...held það sé rétt hjá henni...

18.2.03

í háskólanum er mikið af skrýtnu fólki. í vetur var haldið alþjóðlegt kvöld. þýsk stúlka var á staðnum og reyndi eftir bestu getu við allra þjóða kvikyndi (yfsilon er af ásettu ráði þar sem útlendingar eru í raun kvik yndi) með hjálp sleikjós sem hún keypti á barnum. mjög sniðugt að selja sleikjó á bar. hjálpar mikið við að vekja athygli á tungu og vörum...sem er gott. eftir mikla drykkju þurfti hún að fara á klósettið. þegar hún hefur lokið sér af standa tvær stúlkur að bíða. þær höfðu engar hendur. þýsku stelpunni finnst þetta fyndið og fer inn í sal í stúdentakjallaranum. þá hafði hópur af handalausu fólki komið meðan hún skrapp á klósettið og 15 manns inni á stúdó eru frekar margir og allir eru ofsalega fullir. eru með smá hendur á stubbunum þannig að þau geta haldið á flösku en ekki tekið sopa.....arg verð að fara. klára seinna. kei, komin aftur. allavega. þýska stelpan er búin að höstla strák með sleikjónum. en þá kemur handalaus stelpa og stingur undan henni. handalausa stelpan höstlar strákinn og er alveg sjúklega kúl á því... ég held með handalausu fólki!!
myndaalbúm pissins er skemmtilegt...

17.2.03

leigulistinn smeigulistinn. skráðum okkur þar fyrir meira en viku og það er bara absolút ekkert að gerast. engin hreyfing. bara einhverjar geymslur sem fara á skrá. tótallí gleided. veist þú um lausa 4.herb. íbúð á 101???
mikil drykkja í júróvísjónpartýi varð þess valdandi að ég datt þrisvar sinnum heima hjá mér, kyssti fólk sem ég átti ekki að kyssa og var dónaleg við stelpu í röð. var líka leiðinleg við vel tenntan mann og einn náeyðgur andskoti nennti ekkert að tala vimmig. samt var mjög gaman. held ég. logi og gísli voru að drepa mig. örugglega ofsa fínir fírar (eða er það fýrar...fír...fýr....hmmm???) en mikið lifandi skelfingar ósköp var þetta þreytt prógram hjá þeim. mér finnst þeir ekki fyndnir. logi er sessssí en það er ekki nóg þannig að ég mæli með að þeir verði bannaðir frá júróvísjón og páll óskar kynni keppnina. palli er fullkominn í þetta starf. grunnskólabörnin sameinuðust greinilega og kusu illa klæddu poppstjörnuna. ég vona að hún passi hjólbeinóttu tendensana þegar hún syngur í útlandinu....

16.2.03

mér finnst handalaust fólk endalaust fyndið...

15.2.03

veit samt ekki alveg hvort ég vilji byrja að blogga aftur... kannski ég geri bara eins og hulli og sleppi kommentakerfi og gestabók. þá ætti að vera hættulaust að blogga. var orðin leið á að vera beðin um að hengja mig tvisvar á dag en nú hefur enginn beðið mig um það í næstum tvo mánuði þannig að ég er bara í góðum málum. hvað er búið að ske? hmm...las á deiglunni að ég er að fara byrja með nýtt afl í stúdentapólitíkinni. ótrúlega margir trúðu því. pólitík er leiðinleg tík. v-dagurinn fór fram hjá mér. ég og birgitta haukdal erum verst klæddu konur íslands samkvæmt kvennapeppritinu orðlaus. ég hætti við að skrifa í orðlaus. ef maður er með kvennapeppblað í svona litlu samfélagi fyndist mér sniðugra að impra bara á frábæru konunum...bara vera með best klæddu...æ, ég er nottla ekki hlutlaus. en svo sá ég að frikki væsisnígt er mesti töffarinn þannig að það er ekki mikið mark hægt að taka á þessu. er samt hætt við að skrifa í blaðið. hmpf. er búin með heilar fimm einingar nú þegar í skólanum, tók námskeið í kvikmyndatónlist og gerði ritgerðir um charlie´s angels og lost highway. mjög gaman. er líka í útópíubókmenntum sem er æði fyrir utan kennarasleikjuna sem er þekkt fyrir að sofa hjá kennurum. kennarinn horfir alltaf beint á hana meðan hún borðar snickersið sitt einstaklega hægt og frygðarlega. verð að reyna að sitja ekki aftur við hliðiná henni. júrópartý í kvöld og svo verður farið á astró að reyna að finna audda. hann er sessssí...
hahhahahaha.....quarashistrákarnir hreinlega vaaaða í gellum!!

23.12.02

bókin, skólinn, bloggið, vinnan og lífið hefur verið svolítið stór pakki síðustu mánuði og til að halda geðheilsu verð ég að gera einhverjar breytingar. var að hlusta á eina smáskífu með coldplay þar sem þetta lag skaut sér inn í mig ... Stuck here, in the middle of nowhere, With a head ache, and a heavy heart, Well nothing was going quite right here, And I'm tired, I can't play no part. ég er farin. vona að þið skiljið. megið þið eiga hátíðleg og falleg jól í faðmi fjölskyldu og vina og veriði sæl.
ég ætla ekki til pakistan. mig langar að vera hér. eiga kósý jól hér og glimrandi áramót í faðmi allra sem ég elska. ég ætla ekki að vera á netinu. ætla að einbeita mér að raunheimum.
fékk bréf í dag: Dear friend, How r u,i see ur profile,i like this and ur pic,i want friendship to you,if u make me friend,u will be find me good,i want good and sincere friend ship then marry,i am 28,i live in pakistan,i will wait urs good mail, thanks, ALI ætti mar að svara?

22.12.02

skrýtið....ég er búin að upplifa alveg fáránlega slæman mánuð og er varla komin í jólastemningu.....vonandi fer hún að koma...
jæja...þrátt fyrir að djammið á föstudaginn var svona skemmtilegt tókst mér að láta stela af mér símanum. þannig að ég er búin að týna öllum númerum og ef ég er í símaskránni þinni sendu mér þá sms eða meil með símanum þínum :) stökk bara til að keypti mér nýjan í jólagjöf á raðgreiðslum. ógurlega sniðugt og frábær þjónusta hjá fróða og kó á laugaveginum. mar borgar bara fimmhundruðkall út....alveg ofsa frábært. svo var mér boðið á sýningu stuttmyndarinnar hans ara eldjárns sem heitir tindar....ábyggilega alveg frábær mynd en ég svaf yfir mig og missti af henni. algjört fíbl ég og mér finnst þetta frekar fúlt því mig langaði að sjá þessa mynd. annars fór ég með stelpunum á eitthvað hiphopdjamm á stúdentakjallaranum í gær. eini reggí dídjei íslands var að spila og var hann voða svít. bauð mér á einhverja myndlistasýningu sem hann er með í hinu húsinu...heitir kalli og er exgraffari. tékk it endilega. en þarna var voða kósí stemning, allavega meðan hann var að spila. æ, maður er orðinn svo vanur þessum bévítans kúlistum alltaf hreint og þetta var alveg frábært kvöld...enginn að kafna úr kúlisma en eins og við vitum er kúlið dyrin að helvíti. meira að segja sagði dyravörðurinn mér að hann væri á lausu og spurði um númerið mitt en ég þorði ekki að gefa honum það ef hann skyldi vera að gera grín að mér. svo bað hann víst röggu líka...hefur örugglega spurt allar stelpurnar þarna. ó vell....

21.12.02

úff hvað var ógurlega gaman í gær... byrjaði í bókópartýi sem var gott stuð. tímaeyða. svo endaði ég sem semigrúppía hjá hljómst sem heitir panik eða panic eða panikk eða eitthvað en þeir heita það samt ekki lengur því augljóslega er það allt of ljótt nafn á hljómst. missjón kvöldsins var svo að finna nýtt nafn á hljómstina en ég er ekki frá því að hljómstarmeðlimir séu samt meiri grúppíur en ég. mjög skemmtilegt kvöld sem endaði allt, allt of snemma. við reyndum að láta ljós okkar skína á celtic cross. gekk ekki. allavega.... fór í popppppunkt áðan og klappaði ofsa mikið. ham vann. en nú....djammskí!

20.12.02

If you don't have the time to do something right, where are you going to find the time to fix it? - Stephen King
úúúúbeibe....ég fæ að vera í salnum á suðupunkti popppunkts....jeeee........hvort ætti mar nú að halda með rúna eða grjóna......hmmmm??? ætli mar haldi ekki með ham....blöndalinn er so mikið æði. var stopp við hliðiná honum á ljósum um daginn og við vorum bæði næstum búin að bíða af okkur græna ljósið því sólin skein svo skært. gaman að vera saman heiladauður í umferðinni... allavega...svo verður nottla haldið niðrá sportkaffi þar sem uppskeruhátíð popppppunktsmanna verður haldin í góðu geimi. en þar er hægt að horfa á þáttinn á breiðtjaldi fyrir þá sem eru ekki eins heppnir og ég og fá að mæta í steikjandi sjónvarpssalinn. eða kannski þeir sem mæti á sportið séu heppnari því þar verður allt flæðandi í fríbúsi...jeeee! þannig að alir að mæta á sportkaffið og hrópa húrra annað kvöld klökkan níu!!! gaman gaman gaman.....fríbús og popp....gaman....til hamingju gunni!!!

19.12.02

jöminn, hvað margeir er meðetta á hreinu....sjiss.....
þetta er nú með fokking ólíkindum....fór á daysleeper í svona sjöunda skiptið í kvöld. og missti af þeim. í fokking sjöunda skiptið. er alveg ótrúlega velviljug en óheppin grúppía mar....sjiss. hlustaði á rush of blood...parachutes...einhverja singla og ep plötuna frá noregi í bílnum á leiðinni til og frá fljótshlíð. var tvo tíma uppeftir en klukkutíma heim....er það hægt? eníhú....kóldplei á morgun. jei.

18.12.02

nú er ég að fara að keyra upp í fljótshlíð því mín verður að lesa upp á kaffi langbrók ásamt ara trausta, einari kára og...hmmm...einhverjum öðrum. ætla að hlusta á coldplay alla leiðina og hita upp.....coldplay, coldplay, coldplay.... þetta verður æði!!!
jeijeijei...var að fá ofsa skemmtilega dóma í mogganum...jeeee!!! og mér er boðið á coldplay og ég hlakka ekkert smááááá til....jei. er búin að vera lesa upp á nokkrum stöðum...alveg æðislegt. ísó er yndó. ég las fyrst fyrir menntaskólakrakka og var beðin um að lesa meira og meira. held að ég hafi bara lesið næstum alla bókina. svo hitti ég nottla sirrý sem var memmér útí brussel. mikið þykir mér vænt um hana. semsagt mjög gaman og allir alveg æðislegir. fólk er fallegt og við megum ekki láta heiladauð fífl skemma trúna á alla hina. svo las ég upp í grunnskólanum á bolungarvík og þar komu þau mér svo að óvörum að það hálfa væri nóg. mér finnst nefnilega unglingar vera svo fullorðnir eitthvað og á voðalega erfitt með að fatta að þau eru 10-13 árum yngri en ég. kannski ég verði bara kennari þegar ég verð stór...langar varla lengur að vera blaðamaður, er einhvern veginn að missa allan áhuga á fjölmiðlum. skítapakk. ísafjörður...takk fyrir mig.

16.12.02

jæja...búin í prófum eftir fjóra tíma. svo fer ég beint til ísafjarðar og les upp í grunnskólanum hjá frænda mínum. hann er fjórtán og kúl og ég verð að fara að lesa upp fyrir hann. það verður gaman. svo hitti ég fiffann og les upp á apótekinu og eitthvað.....brjáluð dagskrá á ísó :) jei!

15.12.02

ætlaði sko að láta coldplay glæda eins og ég er búin að gera með sigur rós og nick cave en ég verð búin í prófum....ekkert að gera....finnst platan æðisleg....þekki einn þeirra alveg næstum því persónulega (þúst...hann kom í partý heim til mín þegar hann kom í helgarferð að hitta ónefnda vinkonu mína).... var að lesa viðtalið í mogganum áðan....fannst hinir tónleikarnir geðgir....úff....
hjálpum nú sigga antoni að losna við coldplay-miðana sína...sendið honum póst: sgi@cu.is annars langar mig alveg ógeðslega á þessa tónleika en á ekki krónu. kannski siggi vilji bara gefa mér sína miða....ha??? eða bjössi beibí...ha?? bjössi minn.....ha? í stuði?
ég trúi því varla að ég skili síðasta verkefni á morgun og þetta verði svo búið. nú er ég að skrifa ritgerð um ókláraða bók eftir kafka, ameríka. ég var svo vitlaus að velja mér bók sem kennarinn minn þýddi... deindjöröss... mikið hlakka ég til að vera komin yfir þetta tímabil....og ég er að komast yfir það með aðeins eina kvíðastillandi og ekkert prósakk. en greinilegt er að mig hefur vantað prósakk vegna þess að ég hef aldrei verið eins tíkarleg og staðið í hárinu á jafn mörgum á jafn stuttum tíma. ég hóf mörg stríð á þessum mánuði og þau hafa kostað sitt. ég vil biðja alla sem ég talaði við frá nóvemberbyrjun afsökunar. en þetta er ekki búið. skellurinn kemur svo fyrir alvöru þegar mér verður tilkynnt fall. engin lán. missi íbúðina og þá fyrst fer allt í voll. stei tjúnd...jú dónt wanna miss ðis!!!! [andvarp]

13.12.02

aaaaahahhahahha....ég sagði office space....ég meinti nottla office one. en office space er ein uppáhaldsmyndin mín :)
úff....ég og jón gnarr þurfum að árita bækurnar okkar í bt og office space á morgun. er skíthrædd við það mar. alltaf þegar það eru svona áritanir þá situr höfundurinn einn í hálftíma, horfir á hurðina og vonar að einhver komi. yfirleitt kemur ekki neinn. ef svo vildi til að þið eigið eða eruð búin að óska þess að fá bókina mína í jólagjöf verð ég semsagt að árita á morgun. 13-13:30 í bt í smáralind 14:14:30 í office space í skeifunni æ, hvað ég kvíði fyrir... við megum nefnilega ekki vera saman. meðan hann er í office þá á ég að vera í bt. vildi að við værum saman á stöðunum, þá hefði maður allavega eitthvað að gera...
hmm....promazin kynnir terminator 3 .:. rise of the blogger??? mér sýnist þetta vera ég?
jei....konan á móti eldhúsglugganum mínum vinkaði okkur loksins....og það var bara síðast í nótt sem ég var að segja söguna af því þegar ég mætti henni á búbbulínunum á sunnudagsmorgni. ég bakkaði út úr eldhúsinu því ég var í g-streng og vildi ekki að hún héldi að ég væri alveg böttnekked með engin gluggatjöld í íbúðinni. allavega...síðan eru liðnir margir mánuðir og ég hef vinkað henni eins og mongó en aldrei fengið viðbrögð. áðan vorum við ragga svo að taka til í eldhúsinu og vinkum henni báðar....og viti menn....hún vinkaði til baka og ég er ekki frá því að það örlaði á brosi. og það tók bara 13 mánuði :) hmmm....það er eiginlega fáránlegt hvað þetta veitir mér mikla fró......
geeeiiisp ókei, ætli ég verði ekki að tjá mig um þessa fokking slúðursögu. ég setti hana á netið. heimildarmaðurinn hringdi. ég tók söguna út. svo sé ég hjá katrínu að sagan er komin á tilveruna en ég er akkúrat ekkert tengd henni þó svo að ég sitji heima hjá mér og skrifi smá í undirtóna. ég hringi strax í tilverumennina og bið þá um að taka þetta út. þeir úti í bæ þannig að þeir taka söguna út um leið og þeir koma aftur í tölvu. þetta var svo einfalt. kannski var þetta of gróf saga en mér fannst hún fyndin og skemmtileg. allir fróa sér en fáir lenda í svona skemmtilegum aðstæðum. en svansson segir þetta bull og biðst ég afsökunar á að hafa birt þetta þó hann pirri mig eins mikið og ég pirra hann. ég gerði mér enga grein fyrir að þetta myndi berast eins og eldur um sinu til allra sem svansson hefur nokkurn tímann átt samskipti við. er að sjá núna að það eru kannski ekki bara 100 manns sem kíkja oft. passa mig í framtíðinni. en kenning svansson um að þetta hafi allt verið útpælt er algjörlega út í hött. þið vitið að ég er ekki alveg svo lævís. en mikið er svarið hans svansson langt....
meðleigjandi óskast ef þú veist um einhvern sem vantar íbúð með meðleigjanda sendu mér póst og ég kem honum áfram. stór íbúð í reykjavík með eldhúsi, klósti og allt.

12.12.02

jei. myndbandið mitt er í 14.sæti á popptívílistanum. vinir mínir greinilega duglegir að fara á vaxtalínuna og kjósa mig. en ég verð nú bara að segja að birgitta er þúsund sinnum betri en einarinn á þessum lista....ekki bara því hún talaði um bókina mína í alveg mínútu....alls ekki....nei, hún er einfaldlega betri að kynna...mig....neinei...hún er bara almennt betr......æ, ér farin að leggja mig.
Aflátsbréfasali lagður í einelti. Aflátsbréfasölu er bæði vel tekið og þykir einnig svívirðilegt uppátæki. Eftir að framkvæmdarstjórn Kringlunnar lagði bann á vöruflokkinn í Kringlunni, Hefur Snorri Ásmundsson aflátsbréfasali orðið að þola mikið mótlæti við að markaðasetja vöruna. Fólk hefur hringt og hótað mér og ýmsir forystumenn í trúarhreyfingum hafa haft miður jákvæð orð um syndaaflausnina sem í boði er fyrir sanngjarnt verð. “Ég bjóst ekki við þessum viðbrögðum, sumt fólk er mjög reitt og þetta segir mér bara að það sé full þörf á því að veita fólki fyrirgefningar. Ég hefði haldið að fyrirgefning myndi frekar gleðja fólk en að æsa það upp til óhæfuverka.” Segir Snorri Ásmundsson sem hefur undanfarið selt aflátsbréf og veitt fólki aflausn af syndum sínum. Snorri mun vera staðsettur á Nýlistasafninu fram að jólum þar sem hann mun selja vöruflokkinn á jólabasar safnsins sem hefst í dag föstudag og verður fram að jólum. Nýlistasafnið hefur gefið leyfi til sölu aflátsbréfanna á safninu fram að jólum, enda um framsækið safn að ræða þar sem kærleikur manna á milli er í hávegum hafður. Það er ekki til fallegri jólagjöf en fyrirgefninguna og aflátsbréfin því hin fegursti jólaglaðningur landsmanna. Eða hvað?
hei, æsa er í fréttum í kvöld....arg....og ég er á þjóðó...arg....
það er ein stelpa hérna í þjóðarbókhlöðunni sem er í bleikum buxum og með bleika spennu og teygju í dökku hárinu. hún er öll í stíl og er langsætust hérna. ég mæli með að allir gangi í fötum í stíl.
sko, útí amríku er vaninn að brosa ef maður lendir í augnsambandi við einhvern. maður má alls ekki venjast þessu. vinkona mín vandist þessu þegar hún var í amríkunni og svo kom hún heim og enn þann dag í dag er hún álitin einhver perri. núna er hún á fullu að temja sér að horfa kuldalega í augun á fólki og æfir reglulega pókerfeisið til að vera eins og hinir.
ú...bloggari sat á móti mér í þjóðó um daginn. sko, mér finnst að allir bloggarar eigi að vera með nafnspjöld og dreifa ef þeir sjá og þekkja aðra bloggara í sjón.
fór á twin towers um daginn því það voru leftóvermiðar til. heppna ég. svo komst ég ekki í sæti við hliðiná neinum sem ég þekkti en einhvern veginn voru allir í salnum ofsa góðir vinir. mikið um bros og kollakink. ábyggilega bara einhver stór fyrirtæki og fjölmiðlarnir eða eitthvað. það sem mér fannst skemmtilegast var að poppið og kókið var frítt. ég er samt alveg hrifin af tolkien og dýrkaði fyrstu myndina. en þessi mynd er náttúrlega án upphafs og endis þannig að maður er einhvern veginn að sitja hana í gegn í þrjá tíma gerandi sér grein fyrir að hún klárast ekkert. mér fannst samt ógurlega gaman að horfa á elijah sem finnst hreimurinn minn "amazing". ekki það að ég sé að neimdroppa eða neitt sko...ekki það að ég sé að monta mig yfir að hafa talað við hann eða neitt sko....í fjörtíu mínútur sko.....og hann vildi fá bókina mína senda og allt...ekki það að það skipti mig neinu máli. svoleiðis hégómlegir hlutir hafa engin áhrif á mig og ég var ekkert að pæla í því meðan ég horfði á myndina.
bókin mín var dæmd á gufunni undir einkunnarorðunum hedónismi og hjásvæfur. ég þurfti að fletta öðru orðinu upp.
varðandi svanssonsöguna heimildarmaðurinn minn hringdi í mig og bað mig um að taka söguna um svansson út. hann sagði mér þetta á fylleríi og gerði sér enga grein fyrir því sem fossaði út um munnvikin. þetta er víst bara sögusögn og kannski bara helber vitleysa. keis klósd.
fordómar út í læknanema ég var kölluð út í gær til að lesa upp á litlu jólum læknanemadeildarinnar. ég stökk til, fór í pils og setti á mig gloss því auðvitað bjóst ég við 26 ára, ekki svo sætu fólki í drögtum og jakkafötum. á leiðinni inn mæti ég 5 strákum í sígó og trúi varla að ég sé á réttum stað. hönkadoríheaven. ég varð öll feimin og var vísað inn í sal. mæti þá bara hópi af unglingum (21-24 ára) og allir þarna inni voru fantabjúlöslí bjútífúl OG hipp og kúl en samt sjúklega næs og brosandi. svo koma meðlimir hönkadoríheaven inn og þá voru þeir líka verðandi læknar. jöminn einasti. fallegt fólk getur semsagt verið gáfað. nó dát...ég sagði við einn meðlim h.h. sem var að koma úr sígó: "takk, fyrir að koma" en í raun meinti ég: "þú er æði, viltu byrja með mér?" alveg þarf maður að svindla sér í vísó hjá læknó mar...en þetta var ofsa gaman og ég held meira að segja að þau hafi hlustað á upplesturinn allan í gegn. mad props fyrir það. svo fór ég heim og sá 70 mínútur. ó...mæ...god.....makeover and a diet and a half cumin up fyrir betuna. hillary tók öll völd. ég hatana. ég ætla að drepana. en nú...ibsen.

11.12.02

vorum að fá glænýtt klósett þannig að nú er baðherbergið okkar ekki ghetto fabulous...bara fantabulous... nú getur elvar og fleiri litlir rapparar komið og kúkað að vild en elvar var bannaður eftir eitt stórt dömp þar sem hann gat ekki sturtað. hann missti sig...hrinti röggu og hljóp út. einhvern veginn tókst honum samt að skilgreina sig sem kúlistann í því samhengi...hmmmm....
þetta er svo sjúklega típískt fyrir mig... ég er að lesa fyrir hóp af fólki... unglingar sem virka voða harðir...ókei...ég ákveð að lesa hasskaflann en það er einn hasskafli í bókinni...lísa verður voðalega hæ og er slefandi úr sælu og allt er æðislegt þegar mar er dópaður. þegar ég er búin að lesa kemur maður til mín og segir mér að gestir í salnum séu frá götusmiðjunni. þeir máttu ekki einu sinni súpa á maltinu....
jójójó píps.... ástæðan fyrir því að ég tók kommentakerfið út var því að ég var hætt að blogga... ekkert að kommenta á og ég nennti ekki að halda þessari vitleysu sem var komin þarna áfram. en auðvitað verður vitleysan að halda áfram meðan þið viljið að hún haldi áfram :) ég setti kommentakerfið aftur á þannig að gó nöts ;) annars er allt fínt að frétta...púkinn er voða sorrí 16 ára patti og ég er löngu komin yfir þetta. hitti meira að segja þráinn hljóðmann í dag og hann blés bara á þetta eins og móbí dikk. sigurjón ákvað að salta mig í stað þess að jarða mig því það er ekkert skemmtilegt útvarpsefni. hann komst að því í stríðinu við líonsí. hjúkket því ekki vil ég vera líonsí. annars var ég að lesa upp í ding dong í morgun og var æðslega hress og þeir voru æðslega hressir. núna er ég að fara að leika við sveppa og kó hjá 70 mínútum. en fyrst...leikritagreining á þjóðníðingnum eftir ibsen...soldið kaldhæðnislegt ég veit ;)

9.12.02

eruði ekki að grínast í mér. þegar ég sagðist vera hætta að blogga meinti ég það. ég er í prófum og þau eru mjög strembin. haldiði virkilega að ég taka stamandi fífl sem geta ekkert nema endurtekið sig sí ofan í æ, alvarlega?? elvis og einhverjir voru að saka mig um ritskoðun en ég hef aldrei ritskoðað neitt eða tekið út neitt af kommentakerfinu sem vísar til mín...en ég hef gert það þegar um aðra menn og konur er að ræða. ég geri mér fulla grein fyrir að þetta varð að svona athyglisbombu hjá tveimur aðilum og nú hef ég tekið niður kommentakerfið þannig að þeir geta farið að fróa sér annarsstaðar. auðvitað er ég ekkert hætt að blogga fyrir fullt og allt...þið sem komið hingað reglulega gerið ykkur án efa fyllilega grein fyrir því að ég er með pikkþörf dauðans og þó að ég gæti verið búin að blogga svona 34 sinnum síðust daga bannaði ég sjálfri mér það og kíkti ekkert hingað....ég á að vera að læra. en svo er fólk farið að hringja í mig og vorkenna mér fyrir eitthvað kjaftæði á röflinu???hvað er það?? það er allt í lagi með mig. ég las ekki helminginn af því sem þessir strákar skrifuðu og mér gæti ekki verið meira sama. svona rugl er ekki svaravert. kæru vinir og kunningjar, ég endurtek: ég er í prófum. ég er ekki dauð. ég er ekki þunglynd. ég er bara upptekin. hafið það gott í jólastressinu og njótið lífsins...

8.12.02

í fyrsta lagi vil ég bara segja ykkur að ég hætti að blogga og kíkja á þessa síðu mína því ég fékk nóg. ekki því ég er athyglissjúk og var að kalla á viðbrögð! held það sé enginn það narsískur en svo eru komin yfir 130 komment!! sjáiði firringuna? ég trúi ekki að það skipti einn né neinn einhverju höfuðmáli hvort ég bloggi eða ekki.... eftir 50 ár verðum við hvort sem er öll dauð og þá skiptir ekkert af þessu neinu máli. að sjálfsögðu er ég voðalega þakklát þeim sem svara fyrir mig en ekki hafa áhyggjur af því að ég sé að taka vondu kommentin á mig. fólk er að taka þessu öllu allt of hátíðlega. ég nenni því ekki. það sem ég er að taka inn á mig þessa dagana er persónulegt og kemur ykkur ekkert við. þetta er minn vefur og ég geri það sem ég vil. leyfið mér bara vera í prófum og ástarsorg í friði. pís.
frikki þú ert gull og manda....takk fyrir mig.

4.12.02

takk daddi. kannski þetta sé rétt hjá þér ... er þetta þess virði? eftir að hafa lesið röflið hjá mér finnst mér ekki. það er ekkert gaman að vera með blogg lengur ...
úff, hvað þessi upplestur var vondur. stefán máni heilsaði mér og ég fór tísti bara og sparkaði ekki í sköflunginn á honum. svo fengum við ekki sæti og sátum bara frammi að tala um öreindirnar og gullasnann fyrir prófið á morgun. góðar bækur bæ ðe vei. svo er allt í einu komið að mér og ég þarf að troðast í gegnum fullan salinn og hleyp upp á svið en er ekki búin að sjá neinn lesa upp þannig að ég fer bara að mæknum á miðju gólfinu og fer að afsaka biðina. þá kallar einn utan úr salnum og segir mér að fara í pontu. dísess kræst. ég vippa mér yfir. allir fatta að ég var frammi meðan hinir voru að lesa upp og er orðin móð af stressi og hiksta upp úr mér textanum í einhverju kasti. djöfull. svo hljóp ég út um leið og ég var búin og verð lesandi í alla nótt. alveg hefur hlakkað í stefáni mána þegar hann sá með berum augum að ég er vafalaust bjáni bókmenntaheimsins.
vaaaáá....jafar kez var að tékka á tilboðum hjá mellunum fyrir jólin og ein tekur enga feita eða fatlaða. "Mundu aldurstakmarkið: 26 ár. Yngri geta því miður ekki notið þjónustunnar. Stórir og mjög feitir menn ásamt fötluðum mönnum geta ekki heldur nýtt sér þjónustu mína, því miður. Í von um að þessu sé sýndur skilningur." þetta finnst mér tríst. eru þessir menn ekki stærsti kúnnahópur hóranna??
þá held ég að niðurlægingartímabili þessa vefs sé lokið. ég vil þakka öllum sem lögðu hönd á plóg og gerðu þetta að eins áhugavert og raun ber vitni. heimsóknafjöldinn tók stóran kipp og að sjálfsögðu er það sem skiptir máli. sumir halda því samt fram að sigurjón sé aldrei að dissa mig. það er bull. ég trúði varla þegar hann kom með "ha, ég?" týpuna á þetta. einu skiptin sem hann segir mig snilling er þegar ég er að fokka einhverju upp eins og með chloe eða kærustu ron jeremy. það var einmitt það sem ég var að setja út á. ömurlegheitin eru það besta sem hann veit um og ef maður er ekki að einbeita sér að þeim er "nákvæmlega ekkert að gerast og bara leiðinlegheit í gangi." en svo þegar spjótin beinast að honum er náttúrlega vart þess virði að tala um þau vegna þess að hann er bara lítill hörundssár drengur undir þessari skykkju sorans. það þykir mér miður. er að lesa upp í iðnó klökkan hálf níu. þar mun ég lesa upp með stórvini mínum (eða ekki) stefáni mána sem samdi níðljóðið um bókina mína og sendi í lesbók moggans. svo mun samúel lesa upp úr samnefndri bók mikaels torfasonar. en mikki er að halda því fram að hann sé skitsó eða eitthvað, ég veit það ekki. kannski ég ætti að sparka í sköflunginn á stefáni þegar hann er að lesa...já, kannski ég geri það. ætli gerður lesi kaflann um erp? vonum ekki...en hér er dagskráin fyrir kvöldið: Steinar Bragi les úr bókinni Áhyggjudúkkur Sigurbjörg Þrastardóttir les úr Sólar sögu Andri Snær Magnason les úr LoveStar Sigtryggur Magnason les úr bók sinni, Herjólfur er hættur að elska Hljómsveitin Ske leikur órafmagnað. Samúel les úr samnefndri bók Mikaels Torfasonar. Betarokk les úr Vaknað í Brussel Gerður Kristný les úr Ég veit þú kemur Stefán Máni les úr Ísrael Spilað verður á sjórekið píanó til heiðurs Guðrúnu Evu Mínervudóttur. ég hef nú ekki farið á marga upplestra en endilega komið og kallið "þetta er ööömurlegt" eða "frábærrrrrt" þegar við erum að lesa. peppa þetta aðeins upp...ha......koma svo.....

3.12.02

sigurjón tók nú ekki á málunum eins og flestir bjuggust við. hann samdi lag um lítinn bumbudverg (mig) sem vildi fara á ball hjá bó hall en komst ekki inn þannig að krummi reddaði málunum. svo varð bumbudvergur frægur og fékk að koma í útvarpið. jibbíjí. jibbíjæ. en svo hrækir bumbudvergur á höndina sem fæðir hann. mjór, langur ístrubelgur, bumbudvergur særir hann. doktorinn skammaði mig fyrir að minnast á útlitið á sigurjóni í þessum níðprósa hjá mér og var ég að spá í að sjá eftir því en eftir lagið um bumbudverg sé ég að þetta átti bara vel heima í umræðunni. en mikið eru níðprósar vinsælir...hefði samt viljað fá eitthvað betra en lag frá sigurjóni...
hehehhe....pissið fær aldrei réttan lit á jólatrénu og hatar fatlað fólk sem leggur í stæði fyrir venjulega....

2.12.02

já, það fór sem fór. um leið og ég byrja að setja út á "skapara minn" verður allt tjúll. 3500 heimsóknir og 58 komment. að vísu á ég nokkur komment og sagði alls konar fólki að fokka sér og mér leið bara vel við það enda búin að vera mjög vondur dagur. ekki vegna þessa nóta bene... menn eins og kári jónasson hafa ekki áhrif á mig. það er bara hollt af hafa fólk sem líkar ekki við mann og ég er barasta orðin vön því. en ég er forvitin að vita hvort sigurjón á eftir að tala um þetta. er hann eins harðnaður og hann virðist eða á hann eftir að taka þetta inn á sig? að sjálfsögðu erum við sigurjón hinir mestu mátar ég er honum þakklát fyrir að hleypa mér á öldur ljósvakans þar sem ég sagði meiri bullsögur en það sem stendur hér. mér finnst alveg ótrúlegt að menn eins og kári haldi að ég hafi sofið hjá þessum "verkefnum" mínum þegar ég vann sem rannsóknardrusla tvíhöfða. en ég er að spá í þessum allra hörðustu og hvernig þeir tala...kannski er það estrógenið í mér en það myndi að ég held ekki gefa mér fullnægju að enda rifrildi eða níð á "hengdu þig". það er ekki góður stíll... en hvort sigurjón eigi eftir að afneita mér sem vinkonu verður vandi um að spá. þetta er náttúrlega bara allt grín...
talandi um niðurlægingartímabil í menningu og fjölmiðlum. sigurjón kjartansson og co. margir eru búnir að halda því fram lengi að þátturinn sé dauður en þátturinn í dag var vægast sagt ný vídd í ömurlegheitum og ég sá ljósið....eða myrkrið öllu heldur. í fyrsta lagi er sigurjón svo illa af guði gerður að hann þrífst á því ömurlega. hann þolir ekki þegar fólk er að tala vel um annað fólk og meikar ekki neitt nema það sé eitthvað mikið diss í gangi. sem er náttúrulega glatað fyrir grínista að vera fastur í einu fari, fari sem hætti að vera fyndið fyrir þremur árum. í dag var mér hugsaði til tvíhöfða og þar hló maður upphátt allavega einu sinni á dag en það var náttúrulega einungis vegna jóns sem pælir mikið í lífinu og sagði sögur af sjálfum sér. sigurjón pælir ekkert, ekki séns að hann segi frá sjálfum sér nema hann sé að tala um ham eða fóstbræður, heldur leitar bara að dissi hér og þar. maður hefur ekki hlegið upphátt....ekki einu sinni fengið brosviprur í mjög langan tíma. sigurjóni finnst til dæmis voðalega gaman þegar við erpur erum að bífast en í sjálfu sér er það bara ekki rassgat fyndið. áhugavert fyrir þá sem þekkja okkur kannski, en ekki fyndið. svo er hann með leiðinlegasta hljóðmann sem sögur fara af. þráinn er þunga týpan sem heldur að hann sé kúl, kallar konuna sína kellingu því það er svo töff og kippir undan fólki stólum þegar hann er fullur milli þess sem hann dettur á annað fólk á dansgólfinu. stundum missir hann sig í loftinu og segir eitthvað og ef hann er svo óheppinn að sigurjón spyr hann út í kommentið getur hann ekki sagt rassgat nema "bara!" getur aldrei útskýrt neitt því hann er alltaf að reyna að vera kúl en er það bara alls ekki. kannski gerir hann sér grein fyrir því innst inni og hefur vit á að þegja."uuuh....liverpool er bara betri". fífl. samt örlaði á smá ferskleika um daginn þegar þessi matti eða maggi kom og tæknaðist. hann er allavega með sexí rödd.... en nei, þráinn kom aftur. ég hef hlustað með öðru eyranu lengi en fékk alveg nóg í morgun þegar sigurjón var með einhverja leiðinlega getraun og eitthvað fífl var í stúdíóinu að skellihlægja. sigurjóni finnst hann ógurlega fyndinn og heldur að okkur hinum finnist það líka en eins og hann segir þá er þetta niðurlægingartímabil fjölmiðlanna, mjór maður með bumbu og flösu sem var einu sinni fyndinn fær að vera endalaust í loftinu....hvenær er komið nóg? ég ætla ekki einu sinni að byrja á að tala um íþróttafíflið.... en hei, strákar. ekki vera sárir. ég er bara að grínast!
er að krúsa niður minningarveginn með pissinu. ég hataði hann þegar við vorum saman í ms. þoldi hann ekki. en svo í miðju endurtektarprófi rann upp fyrir mér að hann er fyndnastur í heimi...hann er bestur þegar hann heldur að enginn sé að horfa en er misskilinn af mörgum. sem er ekki gott. en ég er búin að fattann og við erum vinir í dag :)

1.12.02

ég held að það séu furðulegir hlutir að gerast í kommentakerfinu mínu. annað hvort eru lesendur mínir frekar skitsó, mjög kaldhæðnir eða eru einfaldlega að skipta á milli sín nöfnum. siggi sýra sveiflast náttúrlega á milli þess að elska mig og hata en núna virðast mjög margir farnir að skitsóast svona. eru þetta prófin? og mér finnst gestabókin einkennast af fólki sem skrifar til þess eins að geta bent á síðuna sína... og vá hvað mörg blogg eru leiðinleg...hvað ertu að gera hérna???
úff....fór að damnsa...hitti herra íslanxd og hann skammaði mig fyrir seinasta blogg....fokk ðat. en svo voru allir alveg æðislega sætir vimmig....ég elska fólk....nema bent því hann skallar...ándjóks.......og skilur eftir skilabroð...án djósk........

30.11.02

tíhíhíhí....æsa segir að logi bergmann hafi verið að daðra vimmig! ég er nú ekki alveg viss um það en ég var allavega að flörta á fullu við hann, giftan manninn. jhhööminn [lesist á innsogi], ég get svo svariða! ég sagði tvisvar að hann væri sætur og eitthvað... kannski man hann eftir mér síðan ég var að vinna á reykjavík.com. við vorum stundum með svona selebspjall hjá okkur. þá kom eitthvað seleb og fór á spjallið og fólk gat semsagt talað á spjallrás reykjavík.com. voðalega sniðugt nema fæstir vissu af þessu og við starfsfólkið vorum þau einu sem vorum á spjallinu. ég flörtaði náttúrulega eins og brjáluð undir dulnefni og spurði hann svona átján sinnum hvort hann væri giftur og hvort hann ætlaði að halda áfram að vera með toppinn þegar hann fengi skalla og svona.... kannski einhver hafi sagt honum að ég væri "breimandi bína".... gæti verið?!
hahhahaha....ég talaði um kynlíf í kirkjugarði hjá gísla marteini og það var klippt út!!!
skemmtilegasta uppgötvun dagsins: heyrði lagið mitt í útvarpinu og þegar elvar rappar sé ég helga fyrir mér sem lék á móti mér í myndbandinu... sem er gott. sem er mjööööög gott.
það var ekki gaman að lesa upp í eymundsson. bara útlendingar og nokkrir íslendingar og varla neinn leit upp úr bókunum meðan ég las. alveg óþægilegt. en það var samt gaman að sjón kom akkúrat þegar ég var að kvóta í isobel með björk. hann brosti og óskaði mér til hamingju með bókina voða ánægður að ég vitnaði í textann hans....jei :)
mig langar að fara að sofa en ég verð að læra og læra og læra og lesa upp í eymdundsson klukkan þrjú og svo læra og læra og læra. er að fá ógeð á drakúla.
djö...óli té bað mig um að koma á sign tónleikana í gær og ég neitaði nottla því ég er að læra fyrir próf. svo hringir hann á eftir öskrandi hress og þetta voru víst bestu tónleikar í fokking heimi ... og óli er ekki einu sinni rokkari... dem...
gnarrenburg var skemmtilegur. barði dó úr leiðindum og jón klúðraði öllu. ég var voða reið og jón heyrði ekki orð sem ég sagði því hann var með svo miklar áhyggjur yfir því að ég væri fúl. enginn veit neitt um bókina því það var lækkað niður í mér þegar ég var að tala. mér fannst þetta viðtal takast einstaklega vel hjá okkur jóni.
tekið af röflinu hjá katrínu: "Svo er þessi Beta alveg að mála sig til helvítis. þetta "Seleb" rugl í henni er að fara með hana. Greind stelpa sem er kerfisbunidið að steikja sjálfasig með e-u morknu "ég þekki fræga fólkið" - dæmi.." þegar ég sagði: "bíddu, þekkiru ekki hallgrím?" (helgason) þá var það vísun í menntasnobb landans. það var í lagi að jón hafði ekki lesið höfund íslands ef hann þekkti ekki hallgrím. þessi bókmenntaelíta er svo fyndin nefnilega...allir flýta sér að lesa alla sem þeir þekkja til að geta kommentað í partýum. er ég að tapa mér í einhverju selebrugli? ég held ekki. mér finnst það ekki. og svo er einn sem heldur að mér sé alvara með að vera í skýjunum yfir gusgus-póstinum. kommon pípol!!!